Галоўнае — тэхналогіі і арганізацыя, а не кантроль і камісіі ўрада
Учора Прэзідэнт Аляксандр Лукашэнка наведаў з рабочай паездкай Мінскі раён, паведамляе БЕЛТА. Кіраўнік дзяржавы наведаў сельгасугоддзі, якія належаць 1‑й Мінскай птушкафабрыцы, дзе азнаёміўся з прымяненнем інтэнсіўных тэхналогій вырошчвання збожжавых культур. Прэзідэнт дэталёва цікавіўся ў спецыялістаў-практыкаў падыходамі, якія прымяняюцца ў вядзенні сельскай гаспадаркі, работай прадпрыемства, тэхпераўзбраеннем, якое праводзіцца.
У дачыненні да раслінаводства гаворка зайшла пра закупку гаспадаркай неабходных аб'ёмаў насення траў. Як далажылі Прэзідэнту, цэнтралізавана ў краіне гэтым пытаннем займаецца рэспубліканскае аб'яднанне «Белнасенне», аднак кожная гаспадарка, правёўшы тэндар, можа выбраць іншую фірму-пастаўшчыка, зыходзячы з прапанаванай цаны. Аляксандр Лукашэнка даручыў Камітэту дзяржкантролю разабрацца з сітуацыяй, падкрэсліўшы, што лічыць дзіўным, калі пры цэнтралізаваных буйных пастаўках цана атрымліваецца вышэйшай, чым у дробных пасярэднікаў. «І іх (пасярэднікаў. — Заўвага БЕЛТА) не павінна быць. Ты павінен быць манапалістам, калі ўзяўся за цэнтралізацыю. Трэба паглядзець цану на ўсіх этапах, і гэтая цана павінна быць самай нізкай», — падкрэсліў беларускі лідар.
Прэзідэнт таксама нагадаў пра сваё патрабаванне па правядзенні сур'ёзнай ратацыі кадраў і выяўленні перспектыўных кіраўнікоў. Звяртаючыся да памочніка Прэзідэнта, галоўнага інспектара па Мінскай вобласці Мікалая Корбута, Аляксандр Лукашэнка падкрэсліў, што ён павінен выяўляць перспектыўныя кадры, якія ў будучыні змогуць заняць розныя адказныя пасады. Кіраўнік дзяржавы чарговы раз звярнуў увагу і на пытанні аптымізацыі кадравай колькасці ў арганізацыях мясцовай вертыкалі ўлады. У прыватнасці, паводле яго слоў, трэба змяніць падыходы ў працы спецыялістаў упраўленняў сельскай гаспадаркі, якія павінны на сваім узроўні накіроўваць і дапамагаць у вырашэнні практычных пытанняў, але не падмяняць функцыі кіраўнікоў гаспадарак і іх намеснікаў. Як адзначыў кіраўнік дзяржавы, аптымізацыя і скарачэнне штатаў дазволіць падняць як заработную плату, так і прэстыж дзяржслужачых. «Рэформа павінна ісці па ўсіх напрамках», — сказаў Прэзідэнт.
Аляксандр Лукашэнка падкрэсліў, што ў цэлым не павінна быць занадта шмат кіраўнікоў. Паводле яго слоў, у першую чаргу патрэбны адукаваныя тэхнолагі — людзі, якія дэталёва ведаюць сваю справу. Была таксама звернута ўвага на неабходнасць пастаяннай работы па павышэнні кваліфікацыі кіраўнікоў раёнаў і гаспадарак, прадастаўлення ім сучасных навуковых методык.
На збожжавым поле азімага трыцікале, якое наведаў Прэзідэнт, біялагічная ўраджайнасць складае больш за 107 ц/га, а фактычная пры ўборцы блізкая да 100 ц/га. Як далажылі кіраўніку дзяржавы, акрамя спрыяльных умоў надвор'я прычына такога поспеху заключаецца ў выкананні ўсіх тэхналагічных аспектаў, пачынаючы ад падкормкі і ўнясення ўгнаенняў да своечасовай апрацоўкі супраць пустазелля. «Усё ў тэхналогіі і арганізацыі, а не ў грошах, кантролі, камісіях Мясніковіча. Своечасова зрабіў — атрымаў. Так, могуць паўплываць умовы надвор'я, але галоўнае — гэта тэхналогія», — падкрэсліў беларускі лідар.
Прэзідэнту падрабязна далажылі аб ходзе ўборачнай кампаніі ў краіне і Мінскай вобласці. Кіраўнік дзяржавы ў сувязі з гэтым звярнуў увагу на неабходнасць правільна выбудоўваць тактыку ўборкі, зыходзячы з гатоўнасці тых ці іншых палёў і выспявання культур. Асобныя даручэнні Прэзідэнта тычыліся аснашчэння беларускіх аграрыяў у наступныя гады сучаснай айчыннай тэхнікай для ўборкі менавіта палёў з высокай ураджайнасцю ў 100 ц/га і вышэйшай.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.