У Магілёве завяршылі расследаванне крымінальнай справы ў дачыненні да былога гендырэктара «Крычаўцэментнашыфера».
Былому кіраўніку прад'яўлена абвінавачванне ў шэрагу карупцыйных злачынстваў. Затрымалі яго работнікі праваахоўных органаў у сярэдзіне мінулага верасня ў службовым кабінеце пры атрыманні 10 мільёнаў рублёў.
— Экс-кіраўнік з сакавіка па верасень мінулага года вёў збор грошай з прэміяльных выплат сваіх работнікаў, — паведаміў начальнік следчага ўпраўлення УСК па Магілёўскай вобласці палкоўнік юстыцыі Аляксей Яршоў. — За гэты тэрмін ён незаконна атрымаў 214 мільёнаў рублёў. Акрамя гэтага, абвінавачваны неаднаразова атрымліваў грашовыя ўзнагароды ад прадстаўніка прыватнага прадпрыемства за вырашэнне пытанняў, якія ўваходзяць у яго кампетэнцыю. Паказанні далі 148 пацярпелых.
На магілёўскую кватэру былога кіраўніка, яго «Фольксваген» коштам 45 тысяч долараў і іншую маёмасць на агульную суму звыш 1,67 мільярда рублёў накладзены арышт. Шкоду ў памеры 214 мільёнаў абвінавачваны кампенсаваў. Экс-гендырэктару пагражае да 12 гадоў пазбаўлення волі з канфіскацыяй маёмасці.
Нэлі ЗІГУЛЯ.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.