Прэзідэнт Аляксандр Лукашэнка падпісаў Указ №524 «Аб прыватызацыі жылых памяшканняў дзяржаўнага жыллёвага фонду».
Дакумент распрацаваны ў мэтах ліквідацыі прычын, якія перашкаджаюць грамадзянам рэалізаваць права на прыватызацыю жылых памяшканняў, паведамляе прэс-служба Прэзідэнта.
У сувязі з адсутнасцю тэхнічных пашпартоў і дзяржаўнай рэгістрацыі на шэраг жылых памяшканняў, якія знаходзяцца ў камунальнай або рэспубліканскай уласнасці (па краіне такіх памяшканняў каля 114 тыс.), вышэйзгаданы дакумент змяшчае нормы, якія прадугледжваюць прадастаўленне арганізацыям, у гаспадарчым падпарадкаванні або аператыўным кіраванні якіх знаходзяцца названыя жылыя памяшкання, правы на прыняцце рашэнняў аб прыватызацыі жылых памяшканняў, што знаходзяцца ў аднакватэрных, блакіраваных і шматкватэрных жылых дамах, без наяўнасці дакументаў, якія сведчаць аб дзяржаўнай рэгістрацыі іх стварэння і ўзнікнення права дзяржаўнай уласнасці на іх, і тэхнічных пашпартоў на гэтыя жылыя памяшканні.
Ва ўказе вызначаюцца магчымасць і парадак карэкціроўкі ацэначнага кошту жылых памяшканняў, разлічанага для мэты іх прыватызацыі, у выпадках, калі патрабуецца прыняцце мер па аптымізацыі неабгрунтавана высокага кошту гэтых памяшканняў (нежылыя будынкі пераабсталяваны ў жылыя, дамы пабудаваны з выкарыстаннем дарагіх эксперыментальных тэхналогій і гэтак далей) . У гэтым выпадку арганізацыям, у гаспадарчым падпарадкаванні або аператыўным кіраванні якіх знаходзяцца такія жылыя памяшканні, прадастаўляецца права на правядзенне незалежнай ацэнкі рынкавага кошту прыватызаванага жылога памяшкання, пасля чаго рашэнне аб прыватызацыі жылога памяшкання прымаецца па меншым кошце.
Указ таксама прадугледжвае, што грашовыя сродкі, унесеныя работнікамі дзяржаўных арганізацый у лік аплаты кошту будаўніцтва жылых памяшканняў, пабудаваных дзяржаўнымі арганізацыямі з частковым прыцягненнем сродкаў сваіх работнікаў, залічваюцца ў аплату кошту жылых памяшканняў пры іх прыватызацыі прапарцыянальна частцы плошчы жылых памяшканняў, якая была пабудавана за кошт прыцягнутых грашовых сродкаў гэтых работнікаў, пры наяўнасці заключаных дагавораў аб сумесным будаўніцтве жылых памяшканняў і (або) дакументаў, якія пацвярджаюць суму ўнесеных гэтымі работнікамі грашовых сродкаў.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?