Акцыя «Паштоўка ветэрану», прымеркаваная да 70‑годдзя Перамогі, стартуе ў БДУ.
Сёння ў пярвічнай арганізацыі Беларускага грамадскага аб'яднання ветэранаў БДУ налічваецца 37 чалавек, якія ваявалі ў гады Вялікай Айчыннай вайны, а пасля працавалі ва ўніверсітэце. У сувязі з надыходзячымі святамі — Днём абаронца Айчыны, Міжнародным жаночым днём, Днём Перамогі — студэнтам БДУ даецца магчымасць павіншаваць ветэранаў з гэтымі датамі.
Усе ахвотныя могуць падрыхтаваць для іх паштоўкі: або створаныя самастойна, або набытыя. Вітаецца любая крэатыўная ідэя: ад скрапбукінгу да акварэльнага жывапісу. Галоўная ўмова — паштоўка павінна быць падпісана асабіста. Усе паштоўкі і словы віншаванняў будуць перададзены ветэранам. Арганізатарамі акцыі выступілі ўпраўленне выхаваўчай працы з моладдзю і маладзёжныя грамадскія арганізацыі БДУ.
Надзея НІКАЛАЕВА.
Сумесныя праекты ядзерных тэхналогій.
