У Слаўгарадзе сур'ёзна заняліся распрацоўкай турыстычных паслуг. Як адзін з варыянтаў, вырашылі стварыць водны маршрут на байдарках па маляўнічых месцах раёна. Першапраходцы бяруць курс са старадаўняй вёскі Улукі, вядомай сваёй двухсотгадовай лістоўніцай, і па рацэ Проня сплаўляюцца да Слаўгарада. «Маршрут разлічаны на 2 дні, — кажа дырэктар мясцовага фонду развіцця сельскіх тэрыторый Віталь Варабей. — У найбольш прывабным для адпачынку месцы патэнцыяльныя турысты змогуць разбіць лагер і пераначаваць».
Нагадаем, што ў жніўні ў Слаўгарадзе стартаваў чарговы праект «Ад вытокаў да развіцця», які рэалізуецца пры фінансавай падтрымцы Еўрапейскага саюза. Пры мясцовым фондзе развіцця сельскіх тэрыторый запрацаваў Gall-цэнтр турызму, які аказвае паслугі па арганізацыі адпачынку ў Слаўгарадзе. «Пакуль выбар невялікі, больш разлічаны на аднаго або некалькі чалавек, — паведаміў Віталь Варабей. — Але хутка ўсё зменіцца. Зараз ідзе актыўная распрацоўка розных турыстычных прадуктаў. Што датычыцца кошту, то ён будзе залежаць ад таго, які комплекс паслуг закажа турыст, — пражыванне ў аграсядзібе, экскурсію, майстар-клас у сыравараў або проста адпачынак на працягу выхадных дзён у ціхім маляўнічым месцы».
Нэлі ЗІГУЛЯ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.