Аддзяленне паштовай сувязі №14 адкрылася ў Гомелі пасля мадэрнізацыі. У ім абслугоўваецца больш за 7 тысяч жыхароў, у тым ліку звыш тысячы пенсіянераў.
Памяшканне было адкрыта ў канцы 50-х. У 80-х яго абклалі цэглай, і з тых часоў тут праводзіліся толькі касметычныя рамонты. Ад старога будынка пакінулі толькі вонкавыя сцены. Іх умацавалі, а пад канструкцыі падвялі падмурак. Правялі водаправод, дзякуючы гэтаму атрымалася абсталяваць сучасны санітарны пакой. Мадэрнізавалі дах, перапланавалі памяшканні, праклалі новыя камунікацыі, зрабілі зручны пандус... У выніку створаны максімальна камфортныя ўмовы як для супрацоўнікаў, так і для кліентаў. Тэрыторыя вакол прыведзена ў парадак і заасфальтавана. Ля аддзялення цяпер ёсць паркоўка з месцам для машын інвалідаў.
Зараз аддзяленне паштовай сувязі аказвае поўны спектр неабходных паслуг. Тут арганізавана 5 даставачных участкаў. Абслугоўваюць кліентаў два аператары. Ёсць і магчымасць для правядзення безнаяўных плацяжоў — усталяваны інфакіёск.
Каб мінімізаваць нязручнасці для мясцовых жыхароў, рамонт быў выкананы за тры месяцы. Кошт яго склаў каля мільярда рублёў, якія былі выдаткаваны з уласных сродкаў Гомельскага філіяла РУП «Белпошта».
Ірына АСТАШКЕВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
