Дзякуючы выкарыстанню новых лагістычных маршрутаў, арганізаваных Беларускай чыгункай сёлета, больш чым на 20 працэнтаў узрос пасажырапаток у Польшчу.
Толькі ў ліпені чыгуначным маршрутам з перасадкай у Брэсце да станцыі Цярэспаль адправілася 7,5 працэнта пасажыраў ад іх агульнай колькасці, з перасадкай у Гродне да станцыі Беласток — 5,6 працэнта (паведамляе прэс-цэнтр магістралі).
Па меркаванні спецыялістаў пасажырскай службы, павялічэнню аб'ёмаў перавозкі садзейнічала таксама ўстанаўленне фіксаванага кошту праезду. Так, на новых лагістычных маршрутах Мінск — Брэст — Цярэспаль ён складае 105 тысяч рублёў (для аднаго дарослага, ва ўказаны кошт не ўключаны тарыфныя зборы за афармленне праязных дакументаў), Мінск — Гродна — Беласток — ад 180 тысяч рублёў. Кошт праезду па ўказаных маршрутах залежыць ад катэгорыі вагона, у якім пасажыр едзе ад Мінска да Брэста і Гродна, і курса тарыфнай валюты (еўра).
Дарэчы
З пачатку года чыгуначным транспартам у Польшчу было перавезена агулам 104 тысячы чалавек, з іх амаль 20 тысяч пасажыраў — у ліпені.
Сяргей РАСОЛЬКА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».