Вы тут

За 2 дні сталічныя аператыўнікі канфіскавалі каля 10 кілаграмаў насваю


Напачатку супрацоўнікі наркакантролю разам з байцамі АМАПа ў скверы па бульвары Мулявіна затрымалі 22-гадовага беспрацоўнага жыхара Рэчыцы за продаж некурыцельнага тытунёвага вырабу. Свой тавар хлопец захоўваў у багажніку «жыгулёў», прыпаркаваных побач. Падчас чарговай сустрэчы з кліентам яго і затрымалі. У аўтамабілі было знойдзена больш за чатыры кілаграмы тытунёвай сумесі.


На наступны дзень наркакантралёры разам з супрацоўнікамі палка патрульна-паставой службы міліцыі ГУУС Мінгарвыканкама затрымалі яшчэ аднаго збытчыка насваю. 25-гадовы хлопец з Жодзіна прыйшоў у адну з устаноў каля кінатэатра «Кастрычнік» пад выглядам звычайнага наведвальніка. Пры сабе ў яго была сумка ад ноўтбука, толькі замест камп'ютара ў ёй знаходзілася больш за пяць кілаграмаў насваю — гэта больш за 200 доз. Малады чалавек прыязджаў у сталіцу выключна для гандлю некурыльнымі сумесямі, пражываючы ў выпадковых знаёмых, паведамілі ў прэс-службе ГУУС Мінгарвыканкама.

Абодва затрыманыя былі ў мінулым судзімыя за розныя злачынствы і правапарушэнні.

Загаловак у газеце: Замест камп'ютара — тытунёвая сумесь

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.