Прэзідэнт Аляксандр Лукашэнка падпісаў Указ № 81, рэалізацыя палажэнняў якога будзе садзейнічаць забеспячэнню належнага ўзроўню бяспекі палётаў паветраных суднаў і грамадскай бяспекі.
Указ забяспечвае прававое рэгуляванне выкарыстання сучасных авіямадэляў. Валодаючы небяспечнымі тэхнічнымі характарыстыкамі (вышыня і хуткасць палёту, грузападымальнасць і іншыя), яны сталі шырока даступныя насельніцтву і выкарыстоўваюцца ў спартыўных, забаўляльных мэтах, камерцыйнай і навукова-даследчай дзейнасці.
Нароўні з карысным прымяненнем у розных сферах жыццядзейнасці, авіямадэлі сталі ўяўляць пагрозу карыстальнікам паветранай прасторы Беларусі. Не выключаецца таксама выкарыстанне лятальных апаратаў такога тыпу ў тэрарыстычных, экстрэмісцкіх і іншых злачынных мэтах, у тым ліку ў месцах правядзення масавых мерапрыемстваў. Гэта патрабавала абмежавання выкарыстання авіямадэляў у пэўных выпадках.
Указ № 81 удакладняе паняцце авіямадэляў, устанаўлівае права на іх выкарыстанне ў паветранай прасторы Беларусі без дазволаў органаў Адзінай сістэмы арганізацыі паветранага руху. Парадак выкарыстання авіямадэляў вызначыць урад. За парушэнне названага парадку будзе ўстаноўлена адміністрацыйная адказнасць.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?