Зорка рэаліці-шоу і знакамітая фотамадэль з выдатным формамі Кім Кардаш'ян зноў прыцягнула да сябе ўвагу СМІ. Прычым гэтым разам яна можа даволі сур'ёзна ўсхваляваць сваіх фанатаў і набыць шмат новых ворагаў.
Справа ў тым, што Кім збіраецца адкрыць новае рэаліці-шоу, прысвечанае, паліткарэктна кажучы, адной з тых частак жаночага цела, на якую найчасцей падаюць позіркі мужчын. Зласліўцы і зайздроснікі славы Кардаш'ян даволі з'едліва ацэньваюць яе «карму» і сцёгны, але тым не менш менавіта яны прыносяць мадэлі мільённыя прыбыткі — зразумела, з дапамогай прадуманага піяру. Дык вось, Кім вырашыла, што хоча надаць сваім ягадзіцам больш прывабныя, танчэйшыя рысы і з гэтай нагоды абвясціла пра стварэнне рэаліці-шоу «Kіm Super Bum», у якім яна давядзе сваю пятую кропку да ідэальнага стану і эталонных прапорцый. Усім астатнім, не такім ідэальным жанчынам у свеце, давядзецца толькі раўняцца на непараўнальную Кім, жаласна ўздыхаць або моўчкі зайздросціць. Падрабязнасці шоу пакуль што трымаюцца ў сакрэце, але ўжо з'явілася інфармацыя, нібыта стваральнікі і пераможцы вядомага бразільскага конкурсу на лепшую, зразумела, тую самую кропку «Mіss BumBum» наконт гэтага выказаліся адмоўна. Агульны сэнс іх выказванняў — маўляў, няхай Кім не лезе са сваім ботаксам у прыгажосць прыродных формаў, усё адно ў яе нічога не атрымаецца, і наогул, лепшыя натуральныя азадкі былі, ёсць і будуць вырастаць толькі ў Бразіліі, а прадстаўніцы астатніх краін нервова кураць збоку. Вось такія войны по... даруйце, прыгажунь :)
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
