Аляксандр Лукашэнка ў час праведзенай у Стамбуле сустрэчы з Прэзiдэнтам Турцыi Рэджэпам Таiпам Эрдаганам прапанаваў актуалiзаваць парадак дня беларуска-турэцкага супрацоўнiцтва, ажыццявiўшы перазагрузку па шэрагу канкрэтных напрамкаў з акцэнтам на гандлi i эканомiцы, перадае карэспандэнт БЕЛТА.
«Настаў момант актывiзаваць супрацоўнiцтва, актуалiзаваць парадак дня, адкарэкцiраваць дарожную карту адносiн», — сказаў кiраўнiк беларускай дзяржавы. Аляксандр Лукашэнка падкрэслiў, што Беларусь адкрыта да супрацоўнiцтва з Турцыяй.
Кiраўнiкi дзяржаў дамовiлiся, што тэмы, якiя абмяркоўвалiся на гэтай сустрэчы, атрымаюць далейшае практычнае развiццё ў час маючага адбыцца ў маi пасяджэння мiжурадавай беларуска-турэцкай камiсii. Размова iшла аб перспектывах павелiчэння турэцкiх iнвестыцый у Беларусь, больш актыўным узаемадзеяннi ў сферы турызму, у тым лiку шляхам павелiчэння iнтэнсiўнасцi авiязносiн памiж краiнамi.
Прэзiдэнт Беларусi падзякаваў Рэджэпу Таiпу Эрдагану за запрашэнне прыняць удзел у самiце Арганiзацыi iсламскага супрацоўнiцтва, падкрэслiўшы важнасць для Беларусi прысутнасцi на такiм маштабным форуме. Паводле слоў Аляксандра Лукашэнкi, пляцоўка самiту таксама будзе садзейнiчаць устанаўленню новых кантактаў для развiцця гандлёва-эканамiчнага супрацоўнiцтва з шэрагам краiн.
У сваю чаргу Рэджэп Таiп Эрдаган адзначыў, што такiя сустрэчы на вышэйшым i высокiм узроўнях уносяць вялiкi ўклад у развiццё двухбаковых адносiн. Ён падкрэслiў, што Беларусь з'яўляецца востравам стабiльнасцi ў рэгiёне.
Прэзiдэнт Турцыi пацвердзiў гатоўнасць наведаць Беларусь з вiзiтам, парадак дня якога ў тым лiку будзе абмяркоўвацца на маючым адбыцца пасяджэннi мiжурадавай камiсii.
Кiраўнiкi дзяржаў таксама падрабязна абмеркавалi мiжнародны парадак дня.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?