Вы тут

Калі інтэрнат стане домам


Мы жывём у інтэрнаце, але ў ім, па сутнасці, такія ж кватэры, як і ў звычайным жылым доме. Напэўна, таму ў апошні час сярод жыльцоў сталі хадзіць чуткі, што занятыя намі памяшканні пасля 1 ліпеня 2016 г. будуць пераведзены ў разрад жылля камерцыйнага выкарыстання. Ці можна ў такім выпадку іх прыватызаваць?

А. Кірэй, Л.Сіз, г. Мінск


Указам Прэзідэнта Рэспублікі Беларусь ад 16.12.2013 г. № 563 «Аб некаторых пытаннях прававога рэгулявання жыллёвых адносін» (далей — Указ № 563) вызначана, што да 1 красавіка 2014 г. фонд жылых памяшканняў камерцыйнага выкарыстання фарміруецца, у прыватнасці, за кошт уключэння ў яго склад адпаведных жылых памяшканняў дзяржаўнага жыллёвага фонду (у тым ліку заселеных) — службовых, спецыяльнага службовага жыллёвага фонду і спецыяльных жылых памяшканняў дзяржаўнага жыллёвага фонду.

Заселеныя непрыватызаваныя жылыя памяшканні, якія грамадзяне займаюць на ўмовах звычайнага дагавора найму жылых памяшканняў дзяржаўнага жыллёвага фонду, павінны быць пераведзены ў разрад жылля камерцыйнага выкарыстання ў перыяд з 1.04.2014 да 1.07.2016 г.

Выкарыстанне інтэрнатаў для стварэння фонду жылых памяшканняў камерцыйнага выкарыстання дзейным заканадаўствам не прадугледжана.

Разам з тым, згодна са зменамі, унесенымі Указам Прэзідэнта Рэспублікі Беларусь ад 16.11.2015 № 460 ва Указ № 563, дадаткова прадугледжана (падп. 2.3 1 п. 2 Указа № 563), што па ініцыятыве мясцовага выканаўчага і распарадчага органа (камунальны жыллёвы фонд), дзяржаўнага органа, іншай арганізацыі (рэспубліканскі жыллёвы фонд) можа быць ажыццёўлена змяненне прызначэння будынка інтэрната на будынак шматкватэрнага жылога дома пры ўмове адпаведнасці жылых памяшканняў, размешчаных у гэтым інтэрнаце, патрабаванням, што прад'яўляюцца да кватэр.

У выпадку прыняцця мясцовым выканаўчым і распарадчым органам рашэння аб змяненні прызначэння будынка інтэрната на шматкватэрны жылы дом, жылыя памяшканні дзяржаўнага жыллёвага фонду, размешчаныя ў гэтым доме, у тым ліку заселеныя, падлягаюць уключэнню ў склад жылых памяшканняў камерцыйнага выкарыстання (у парадку, вызначаным у падп. 2.1 п. 2 Указа № 563) з наступным заключэннем адпаведных дагавораў найму жылога памяшкання камерцыйнага выкарыстання дзяржаўнага жыллёвага фонду (у парадку, вызначаным у падп. 2.3 1 п. 2 Указа № 563).

Адначасова ўстаноўлена, што да 1 ліпеня 2016 г. наймальнік жылога памяшкання, уключанага ў склад жылых памяшканняў камерцыйнага выкарыстання, які не падлягае высяленню з жылога памяшкання дзяржаўнага жыллёвага фонду ў інтэрнаце ў адпаведнасці з п. 4 арт. 221 Жыллёвага кодэкса Рэспублікі Беларусь, паўналетнія члены яго сям'і, а таксама іншыя грамадзяне, за якімі ў адпаведнасці з заканадаўствам захоўваецца роўнае з наймальнікам права валодання і карыстання гэтым жылым памяшканнем, маюць права звярнуцца з заявай аб прыватызацыі займаных жылых памяшканняў у адпаведнасці з заканадаўствам.

Віктар САВІЦКІ

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.