Больш за 60 чалавек сталі ахвярамі выбуху смяротніка на пратэстнай акцыі шыітаў-хазарэйцаў у Кабуле, больш за 200 чалавек атрымалі раненні.
Выбух прагрымеў падчас шматтысячнай акцыі пратэсту членаў хазарэйскай абшчыны, якія патрабавалі, каб новая лінія электраперадач праходзіла праз правінцыю Баміян, якая лічыцца адной з самых эканамічна адсталых у Афганістане.
Мяркуецца, што ЛЭП будзе праходзіць праз тэрыторыю Туркменістана, Узбекістана, Таджыкістана, а таксама Афганістана і Пакістана.
Першапачаткова планавалася, што ЛЭП пройдзе праз афганскую правінцыю Баміян, але пазней гэтыя планы былі скарэктаваныя.
Адказнасць за напад узяла на сябе экстрэмісцкая групоўка "Ісламская дзяржава".
Сумесныя праекты ядзерных тэхналогій.
