Вы тут

Мікалай Шарстнёў павіншаваў першых «тысячнікаў» жніва


Старшыня Віцебскага аблвыканкама Мікалай Шарстнёў павіншаваў першых «тысячнікаў» жніва. У Докшыцкім раёне на адным полі больш за 1000 тон збожжа намалацілі адразу два экіпажы.


Героямі ўрачыстасці сталі два экіпажы Докшыцкага райаграсэрвіса. Самы вопытны сярод сёлетніх «тысячнікаў» — Уладзімір Лаўцэвіч.

— Для мяне гэта ўжо дваццаць сёмае жніво, — гаворыць Уладзімір Пятровіч. — Дванаццаць разоў мой актыўны ўдзел ва ўборцы быў адзначаны на рэспубліканскіх «Дажынках». Там двойчы з дасягненнямі павіншаваў асабіста Прэзідэнт. Мой уласны рэкорд — 2860 тон, якія намалаціў гадоў шэсць таму. Сёлета працуем у экіпажы з Уладзімірам Ваховічам і мяркуем, што жніво завершым у самыя кароткія тэрміны і, безумоўна, з добрай якасцю.

Маладыя «тысячнікі» — Віктар Суднік і Сяргей Каляга — адсталі ў той дзень ад экіпажа Лаўцэвіча толькі на 32 тоны.

— Прачынаемся ў 5.30, а восьмай гадзіне раніцы ўжо ў кабіне камбайна. У сярэднім у дзень намалот пад 70 тон. У лепшыя дні бывае і па 100. Тэхніка надзейная. Асабліва праблемных паломак няма, — расказвае старшы камбайнер Віктар Суднік.

Старшыня Віцебскага аблвыканкама Мікалай Шарстнёў уручыў «тысячнікам» плазменныя тэлевізары і мультываркі. А старшыня Докшыцкага райвыканкама Алег Пінчук — грашовыя прэміі. Губернатар пажадаў камбайнерам моцнага здароўя, добрага настрою і сіл выехаць у камандзіроўкі ў праблемныя раёны, бо амаль палова збожжавых у паўночным рэгіёне яшчэ не абмалочана.

Падчас гутаркі з кіраўніцтвам раёна і гаспадаркі губернатар адзначыў, што сёлета пераменлівае надвор'е перашкаджае. Вясна была вельмі цяжкая. Губернатар не раз падкрэсліваў, што гарантыя добрых вынікаў — прытрымліванне тэхналогій на ўсіх этапах работы на зямлі.

Карэспандэнт «Звязды» папрасіў удакладніць: што ж трэба зрабіць, каб тэхналогіі прымяняліся паўсюль?

— Каб выконваць тэхналогію, трэба ўсё мець: тэхніку і сельгасмашыны, угнаенні, сродкі хімічнай абароны. Спецыялісты ведаюць, як і што рабіць. Але не хапае тэхнічнага забеспячэння. Перш за ўсё трэба тэхнічна пераўзброіцца. Другі момант: вобласць — зона рызыкоўнага земляробства з абмежаваным перыядам вырошчвання сельскагаспадарчых культур. Таму за вельмі кароткі час павінны зрабіць усё, што патрабуецца ад тэхналогіі, — разважае старшыня аблвыканкама.

Ён адзначыў, што летась машынны парк папоўнілі 850 трактароў айчыннай вытворчасці. Гэта добрая падтрымка механізатарам.

Сёлета абласныя «Дажынкі» на Віцебшчыне пройдуць у Сенненскім раёне.

Аляксандр ПУКШАНСКІ

pukshanskі@zvіazda.by

Докшыцкі раён

Загаловак у газеце: Поспех дыктуюць тэхналогіі

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.