Вы тут

Ігар Бокій перамог у фінальным заплыве на 400 метраў вольным стылем


Беларускі параалімпіец Ігар Бокій напярэдадні перамог у фінальным заплыве на 400 метраў вольным стылем у катэгорыі S13 (спартсмены з парушэннямі зроку). Атрыманае «золата» стала для яго ўжо трэцім на гэтым форуме. Раней 22-гадовы плывец ужо перамагаў у заплыве на 100 метраў батэрфляем і ў комплексным плаванні на 200 метраў, а таксама заваёўваў бронзу ў заплыве на 100 метраў брасам.


У фінале беларус паказаў вынік у 3 хвіліны і 55,62 секунды, апярэдзіўшы ўласны параалімпійскі рэкорд, устаноўлены чатыры гады таму ў Лондане. А вось сусветны Бокію не скарыўся — не хапіла ўсяго 0,07 сек. Праўда, і гэты найлепшы вынік таксама належыць яму самому. «Серабро» ў заплыве дасталася ўкраінцу Яраславу Дзенісенку (3:58,78), «бронза» — узбеку Дзмітрыю Хорліну (4:06,63).

Цяпер у скарбонцы беларускіх параалімпійцаў ёсць пяць медалёў: тры залатых і бронзавы Бокія, а таксама «бронза» кідальніка кап'я Аляксандра Трыпуця. У агульным медальным заліку Параалімпіяды ў Рыа па стане на 13 верасня Беларусь ідзе на 22-м месцы (3, 0, 2), лідзіруюць Кітай (50, 40, 28), Вялікабрытанія (28, 16, 19) і Украіна (22, 19, 20).

Яраслаў ЛЫСКАВЕЦ

lyskavets@zvіazda.by

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.