Здарэнне адбылося ў Маладзечне. А палове трэцяй ночы мясцовыя ратавальнікі выехалі па выкліку, аднак на месцы пажару не выявілі.
Гаспадыня кватэры 1969 года нараджэння пражывае з двума дзецьмі, паведамілі ў Міністэрстве па надзвычайных сітуацыях. Як мяркуецца, каля 11 вечара дзяўчынка 2007 года нараджэння лягла спаць, пакінуўшы ўключаным у разетку начнік. Коўдра патрапіла на лямпу напальвання і ў выніку загарэлася. Каля гадзіны ночы дачка прачнулася і пабудзіла маці, якая спала з братам 2011 года нараджэння ў суседнім пакоі. Жанчына хутка адрэагавала і заліла ўзгаранне вадой з чайніка. Аднак дзяўчынка паспела атрымаць невялікія апёкі нагі. У шпіталізацыі патрэбы не мела. А вось малодшы сын быў пакінуты ў бальніцы да ранку для абследавання. Хоць стан хлопчыка быў здавальняючы, мелася падазрэнне на атручэнне прадуктамі гарэння.
Сяргей РАСОЛЬКА
Сумесныя праекты ядзерных тэхналогій.
