Брэсцкія музыканты не пад уплывам агітацыі, не па прымусу, а па закліку ўласнай душы рашылі дапамагчы Кобрынскаму дзіцячаму дому.
Двое нераўнадушных брастаўчан, адзін з якіх сам некалі выхоўваўся ў падобнай установе, рашылі панурай і халоднай восенню падарыць крыху святла маленькім выхаванцам дзіцячага дома. Найперш яны накіраваліся да адміністратара групы «Дай Дарогу!» Яўгена Крука. Той горача падтрымаў ідэю і расказаў пра яе іншым брэсцкім музыкантам. На заклік адгукнуліся шэсць музычных груп з горада над Бугам.
Яны выбралі дзень і адыгралі чатырохгадзінны канцэрт у клубе «Сіці». Усе наведвальнікі клуба ведалі, што канцэрт дабрачынны і выручка пойдзе на дапамогу дзецям. Літаральна на наступны дзень заробленыя грошы — 550 рублёў — былі пералічаны на рахунак Кобрынскага дзіцячага дома. Паводле слоў дырэктара Наталлі Дудко, за гэтыя сродкі для ўсіх груп установы былі куплены сюжэтна-ролевыя гульні, якія патрэбны для развіцця дзяцей.
Святлана ЯСКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
