Трагiкамiчная гiсторыя адбылася ў Старадарожскiм раёне. Тут серыйнага злодзея злавiлi дзякуючы пакiнутай iм на месцы злачынства... устаўной скiвiцы.
У мiлiцыю паступiла некалькi паведамленняў пра крадзяжы ў вёсцы Старыя Дарогi. Выйсцi на след злачынцы атрымалася дзякуючы пакiнутым iм на месцы злачынства рэчах. Сярод улiк была i частка штучнай скiвiцы. Зламыснiк вырашыў перакусiць, скарыстаўшы знойдзеныя на кухнi прадукты. Пасля ежы, вiдаць, i забыўся забраць гэты неабходны яму прадмет. А iншы раз каля дома злачынец кiнуў куртку, якая перашкаджала яму пранiкнуць у аконны праём. Затрымалi фiгуранта па месцы жыхарства — у вёсцы Фядоры Столiнскага раёна. Пры вобыску яго жылля ў 39-гадовага раней судзiмага беспрацоўнага грамадзянiна часткова знайшлi скрадзеную маёмасць, паведамiлi ва УУС Мiнаблвыканкама. Сёе-тое мужчына паспеў прадаць на тэрыторыi Старадарожскага раёна. Заведзена крымiнальная справа. Грамадзянiна падазраюць у серыi крадзяжоў: ён зараз правяраецца на дачыненне да iншых злачынстваў на тэрыторыi раёна.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
