На тэрыторыі Целяханскага лясгаса работнікі Бярозаўскай міжрайінспекцыі і лясной аховы знайшлі незаконную высечку. Некалькі соцень дрэў былі спілаваны па абодва бакі ад ЛЭП.
— На правядзенне такой «зачысткі» супрацоўнікі лясгаса дазволу не давалі, — паведаміла прэс-сакратар Дзяржінспекцыі Вольга Грамовіч. — У час разбору высветлілася, што дрэвы спілавалі работнікі прыватнага прадпрыемства з Брэста, якія атрымалі права нарыхтоўваць драўніну на землях энергетыкаў у суседнім Ганцавіцкім раёне. Аднак вальшчыкі так захапіліся, што на 200 метраў зайшлі на тэрыторыю суседняй гаспадаркі. Халатнасць работнікаў абыдзецца прадпрыемству ў буйную суму: за 373 спілаваныя дрэвы агульным аб'ёмам 128 кубаметраў ПУП заплаціць 5,7 тысячы рублёў і яшчэ тысячу рублёў у якасці штрафу.
Сяргей РАСОЛЬКА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
