З 3 па 6 лістапада праходзіць Беларускі тыдзень моды. Новыя калекцыі сезона вясна-лета прадстаўляюць айчынныя дызайнеры Алёна Гарэцкая, Таццяна Яфрэмава, Марына Давыдава, Вольга Самошчанка, Вольга Барабаншчыкава, а таксама брэнды ton-in-ton, NAVY, Zibra, LIMITEDMINSK by LG.
Кожны год у Беларусь прыязджаюць замежныя мадэльеры, каб падзяліцца вопытам і прадставіць сваё бачанне стылю. Сёлета сярод гасцей Belarus Fashion Week — дызайнеры з Італіі, Вялікабрытаніі, Германіі, Украіны.
Традыцыйнымі сталі таксама дні дзіцячай моды (гэтым разам адзенне для самых маленькіх паказваюць больш за 20 брэндаў) і конкурс маладых дызайнераў.
Стыльнае адзенне, дарэчы, можна ўбачыць не толькі на подыўме. Госці паказаў не ўпускаюць свайго шанцу выдзеліцца з натоўпу і ствараюць цікавыя вобразы.
Наталля ЛУБНЕЎСКАЯ
Фота Надзеі БУЖАН
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?