Вы тут

Нарыхтоўваць дрэўцы трэба на законных падставах


Нарыхтоўка навагодніх дрэў павінна весціся па правілах, пра што Дзяржінспекцыя папярэджвае штогод напярэдадні свят. Ды толькі прыслухоўваюцца не ўсе, прычым парушальнікі, як правіла, адным дрэўцам не абмяжоўваюцца...


У Жлобінскім раёне дзяржінспектары затрымалі жыхара вёскі Бабоўка. Мужчына, які працуе вальшчыкам лесу, нарыхтаваў да свята тры сасны. Дакументаў на высечку ў яго не было, таму давядзецца пакрываць шкоду (каля 9,5 рубля) і заплаціць штраф (да 50 базавых велічынь). У гэты ж дзень на тэрыторыі Мінскага раёна спынілі жыхарку пасёлка Міханавічы, якая ссекла ў ахоўнай паласе каля дарогі пяць елак. Жанчыне давядзецца выплаціць амаль 16 рублёў у якасці пакрыцця шкоды і штраф. Парушаюць правілы і самі леснікі, расказалі ў Дзяржінспекцыі. У Ашмянскім раёне супрацоўнікі лясгаса перавозілі на трактары з прычэпам 38 навагодніх елак, прызначаных для продажу, аднак дакументаў на іх транспарціроўку не аформілі. Складзены пратакол на юрасобу: лясгас можа быць аштрафаваны на суму да 50 базавых велічынь, а тавар канфіскаваны.

Сяргей РАСОЛЬКА

rs@zviazda.by

Загаловак у газеце: Каб ёлка была ў радасць

Выбар рэдакцыі

Культура

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

У Гродне падчас святкавання Дня Незалежнасцi прадстаўлены габелен, якi выткалi спецыяльна да 75-годдзя Вялiкай Перамогi. 

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.