19 студзеня беларускія ратавальнікі адзначаюць сваё прафесійнае свята. Работнікаў і ветэранаў органаў і падраздзяленняў па надзвычайных сітуацыях з гэтай нагоды павіншаваў Прэзідэнт Аляксандр Лукашэнка.
«У цяперашні час Міністэрства па надзвычайных сітуацыях Беларусі з'яўляецца магутнай аператыўнай структурай, якая энергічна развіваецца, здольная выконваць шырокі дыяпазон задач і валодае велізарным патэнцыялам, — гаворыцца ў віншаванні. — Беларускія ратавальнікі праяўляюць высокі прафесіяналізм пры ліквідацыі пажараў, аварый і наступстваў неспрыяльных з'яў надвор'я, прымаюць актыўны ўдзел у гуманітарных місіях за мяжой».
Кіраўнік дзяржавы адзначыў, што ў гэты святочны дзень мы традыцыйна шануем памяць тых, хто аддаў доўг Радзіме цаной свайго жыцця, чые мужнасць і самаадданасць дазволілі выратаваць мноства людзей ад гібелі. Прэзідэнт выказаў асаблівыя словы ўдзячнасці ветэранам, якія стаялі ля вытокаў стварэння ведамства, а сёння шчодра перадаюць свой багаты вопыт маладому пакаленню.
Аляксандр Лукашэнка выказаў перакананасць, што, абапіраючыся на слаўныя традыцыі, супрацоўнікі МНС і надалей будуць паспяхова вырашаць ускладзеныя на іх задачы.
А напярэдадні свята Міністэрства па надзвычайных сітуацыях прэзентавала невялікі іміджавы ролік аб сваёй дзейнасці.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
