2 лютага ў горадзе адбудзецца шэраг рэспубліканскіх мерапрыемстваў з удзелам больш як 250 лепшых прадстаўнікоў руху маладзёжнага праваахоўнага руху БРСМ з усіх рэгіёнаў краіны.
Прафесійнае свята для ўдзельнікаў МААП было заснаванае Беларускім рэспубліканскім саюзам моладзі ў 2012 годзе і адзначаецца штогод 6 лютага. Традыцыйна ў першы тыдзень лютага па ўсёй краіне прэзентуецца дзейнасць Маладзёжных атрадаў аховы правапарадку, праходзяць урачыстыя мерапрыемствы і ўшаноўваюцца лепшыя актывісты руху МААП.
2 лютага, 11.00, патрыятычная акцыя "Мы памятаем і ганарымся” побач з помнікам савецкім воінам-вызваліцелям Полацка.
Удзельнікі руху МААП ускладуць кветкі да помніка, ушануюць хвілінай маўчання памяць воінаў, якія загінулі ў 1944 годзе пры вызваленні горада. Асаблівую ўрачыстасць мерапрыемству надасць ваенны аркестр вайсковай часці 5530.
2 лютага, 11.30, экскурсія ў вайсковую часць 5530.
Азнаёміцца з жыццём і побытам вайскоўцаў, а таксама выставай зброі і спецыяльных сродкаў, якія стаяць на ўзбраенні ва ўнутраных войсках, удзельнікі мерапрыемстваў змогуць падчас экскурсіі па вайсковай часці 5530. Традыцыйна ў рамках экскурсіі для дзяцей будуць арганізаваны майстар-класы па тактыцы дзеяння ўнутраных войскаў (адпрацоўка прыёмаў рукапашнага бою, знішчэнне злачыннай групы, дзеянне сапёрнай групы пры выяўленні выбуханебяспечнага прадмета).
2 лютага, 14.30, “Адкрыты дыялог”, Полацкі раённы выканаўчы камітэт, другі паверх, актавая зала.
“Адкрыты дыялог" на тэму "Сучаснасць і будучыня маладзёжнага праваахоўнага руху” аб'яднае моладзь МААП і экспертаў, у ролі якіх выступяць прадстаўнікі Міністэрства ўнутраных спраў і Міністэрства па надзвычайных сітуацыях.
Арганізатары ўпэўненыя, што такія стасункі дадуць новы стратэгічны імпульс развіццю руху маладзёжных атрадаў аховы правапарадку, дапамогуць знайсці новыя падыходы пры фарміраванні каштоўнасных арыенціраў у падрастаючага пакалення. Перад пачаткам дыскусіі можна будзе пазнаёміцца з тэматычнай выставай абласных і мінскага гарадскога штабоў МААП БРСМ.
Акрамя таго, будуць узнагароджаны лепшыя прадстаўнікі маладзёжнага праваахоўнага руху па выніках 2016 года.
Даведка. Рух МААП аб'ядноўвае больш за 15 тысяч юнакоў і дзяўчат. Сумесна з супрацоўнікамі праваахоўных органаў і ратавальнікамі яны забяспечваюць грамадскі парадак, займаюцца прафілактычнай працай па бяспецы жыццядзейнасці. Сярод ратных спраў маладых праваахоўнікаў — спыненне сур'ёзных злачынстваў і правапарушэнняў, затрыманне небяспечных злачынцаў, прадухіленне дарожна-транспартных здарэнняў, выратаванне жыццяў.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
