Вы тут

Пра перспектывы развіцця мінеральна-сыравіннай базы нашай краіны


Па словах начальніка ўпраўлення па геалогіі Мінпрыроды Сяргея Мамчыка, у 2016-м удалося не толькі ўтрымаць здабычу нафты на ўзроўні 1,6 млн тон за год, але і нарасціць яе. У далейшым, каб забяспечыць рост здабычы, спецыялісты плануюць праводзіць новыя геолага-разведвальныя работы і ўцягваць у гаспадарчы абарот залежы з запасамі, якія цяжка здабываюцца. «У цэлым запасамі нафты Беларусь забяспечана на 35 гадоў», — падкрэсліў прадстаўнік Мінпрыроды.


У 2016 годзе прырост запасаў адзначыўся і ў іншых катэгорыях карысных выкапняў: каменнай солі, крэйды, пяску, пясчана-гравійнай сумесі, сапрапелю і торфу. Апошнія, дарэчы, высока цэняцца не толькі ў нашай краіне, але і за мяжой. Сяргей Мамчык расказаў, што беларускія торф і сапрапель выклікаюць інтарэс у краінах Блізкага Усходу — Аб'яднаных Арабскіх Эміратах, Катары, Саудаўскай Аравіі. Яны могуць выкарыстоўвацца як арганамінеральныя ўгнаенні для развіцця земляробства. Сёння разглядаецца пытанне аб пастаўках угнаенняў на аснове сапрапелю ў гэтыя краіны.

Адным з перспектыўных у плане экспарту спецыялісты лічаць і шчэбень, запатрабаваны ў краінах-суседках Беларусі. Толькі за мінулы год, у параўнанні з 2015-м, экспарт гэтага матэрыялу вырас больш чым у 2,5 раза. Калі два гады таму краіна атрымала каля $ 28 млн, то папярэднія вынікі 2016-га гавораць пра $ 65 млн.

Нізкая якасць мінеральнай сыравіны, невялікія запасы на асобных радовішчах і вялікія глыбіні залягання карысных выкапняў — усе гэтыя і іншыя праблемы сёння істотна ўскладняюць работу беларускім геолагам. Каб дасягнуць поспеху на гэтых складаных участках, неабходна развіваць выкарыстанне сучасных тэхналогій для пошуку, разведкі і распрацоўкі радовішчаў карысных выкапняў. Над гэтым сёння працуюць спецыялісты Аб'яднанага інстытута праблем інфарматыкі НАН Беларусі, паведаміў намеснік генеральнага дырэктара ўстановы Сяргей Круглікаў.

— У межах навукова-тэхнічнай праграмы Саюзнай дзяржавы «Скіф-Нетры», якая рэалізуецца з 2015 года, наш інстытут распрацаваў і часткова вырабіў больш магутныя высокапрадукцыйныя вылічальныя комплексы «Скіф-Геа», якія дазволяць вырашаць шэраг задач, звязаных з геолагаразведкай.

Як расказала Вольга Бярозка, дырэктар філіяла «Інстытут геалогіі» Навукова-вытворчага цэнтра па геалогіі, беларускія вучоныя шукаюць спосабы выкарыстання адходаў, што ўтвараюцца пры распрацоўцы радовішчаў.

— Работа ў гэтым кірунку дае рэальную магчымасць утылізаваць вялікую колькасць адвалаў і знізіць выдаткі на імпарт дэфіцытнай сыравіны, — адзначыла Вольга Бярозка. — Пасля дадатковых даследаванняў нашы распрацоўкі будуць прапаноўвацца ў вытворчасць.

Вераніка КОЛАСАВА

kоlаsаvа@zvіаzdа.bу

Фота БЕЛТА

Загаловак у газеце: Не нафтай адзінай

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.