Маскоўскае жыллё ацанілі ў $870 млрд

Сукупны кошт жылога фонду расійскай сталіцы да пачатку 2017 года дасягнуў 52,3 трыльёна рублёў (больш за 870 мільярдаў долараў).

За апошнія пяць гадоў рублёвы кошт усіх аб'ектаў жылой нерухомасці Масквы павялічыўся на 16 працэнтаў, а ў доларавым выражэнні ўжо ў 2022 годзе можа дасягнуць трыльёна. У сярэднім доля жылой нерухомасці, якая прыходзіцца на аднаго масквіча, эквівалентная 70,8 тысячы долараў. Згодна з планамі маскоўскага ўрада, гадавы аб'ём уводу жылля ў расійскай сталіцы сёлета складзе 3,14 мільёна квадратных метраў, у 2018 годзе — 3,16 мільёна кв. метраў.