У сувязі з надыходам міжсезоння Дзяржаўтаінспекцыя просіць быць як мага больш уважлівымі на дарогах.
«Ужо не рэдкія дажджы, якія ўсё яшчэ могуць змяняцца снегападамі. Такія сюрпрызы надвор'я значна ўплываюць на стан праезнай часткі — пагаршаюць бачнасць у кірунку руху.
Дзяржаўтаінспекцыя просіць кіроўцаў быць як мага больш уважлівымі, выбіраць хуткасць руху з улікам стану праезнай часткі і бачнасці, не рабіць неабдуманых манеўраў, быць асабліва пільнымі ў месцах магчымага з'яўлення на дарозе пешаходаў і веласіпедыстаў: з-за размытых абочын апошнія перасоўваюцца па праезнай частцы. Пешаходам і веласіпедыстам абазначаць сябе святлоадбіўнымі элементамі, выконваць правілы бяспечнага перасячэння праезнай часткі», паведамляецца на сайце Міністэрства ўнутраных спраў.
Работа асабовага складу дарожна-патрульнай службы ДАІ арыентавана на аказанне дапамогі ўдзельнікам дарожнага руху і гарантаванне бяспечных умоў руху.
Сяргей РАСОЛЬКА
Сумесныя праекты ядзерных тэхналогій.