Вы тут

Аляксандр Лукашэнка запрасіў Наваз Шэрыфа ў Беларусь


Прэзідэнт Беларусі Аляксандр Лукашэнка 14 мая падчас сустрэчы з Прэм'ер-міністрам Пакістана Наваз Шарыфам у Пекіне на палях форуму “Адзін пояс, адзін шлях” запрасіў яго наведаць разам з сям'ёй Беларусь, паведамілі ў прэс-службе беларускага лідара. 


"Дзякуй, што памятаеце нюансы і дэталі нашай сустрэчы ў Мінску. Калі Гасподзь і Алах дасць, мы з Вамі сустрэнемся ў пачатку жніўня зноў у Мінску. Мы Вас чакаем. Толькі я хачу, каб Вы больш пабылі ў нас у Беларусі, каб я змог вам паказаць не толькі нашы магчымасці ў сферы вытворчасці, асноўных напрамкаў нашага супрацоўніцтва, але і хараство гэтага кавалачка зямлі ў цэнтры Еўропы ", - сказаў Аляксандр Лукашэнка. "У нас будзе што абмеркаваць падчас Вашага візіту", - заўважыў Прэзідэнт. Кіраўнік дзяржавы разлічвае, што Наваз Шарыф наведае Беларусь разам са сваёй сям'ёй. 

У сваю чаргу Прэм'ер-міністр Пакістана падкрэсліў, што рады ў чарговы раз сустрэцца з Аляксандрам Лукашэнкам, а апошні візіт у беларускую сталіцу выклікае ў яго толькі самыя цёплыя ўспаміны. "За вельмі кароткі прамежак часу нам удалося падняць ўзаемаадносіны Беларусі і Пакістана на вельмі высокі ўзровень. Безумоўна, такіх тэмпаў мы дасягнулі дзякуючы нашым асабістым адносінам. Вы з'яўляецеся падмуркам дадзеных адносін, і мы можам з поўным правам гэтым ганарыцца", - заявіў ён. Наваз Шарыф прызнаўся, што з нецярпеннем чакае чарговага візіту ў Беларусь. "Дзякуй за асобнае запрашэнне для маёй сям'і. Безумоўна, яна далучыцца да мяне, і нарэшце-то дзве сям'і сустрэнуцца ў поўным складзе", - дадаў ён. 

Кіраўнікі дзвюх краін сышліся ў меркаванні, што рэгулярны абмен візітамі на вышэйшым і высокім узроўнях дазволіць здзейсніць прарыў у двухбаковых адносінах. Трывалыя палітычныя сувязі, перакананыя яны, павінны надаць штуршок і дынамічнаму развіццю эканамічнага ўзаемадзеяння. Таксама Аляксандр Лукашэнка і Наваз Шарыф канстатавалі паглыбленне парламенцкага ўзаемадзеяння і дамовіліся развіваць яго яшчэ больш эфектыўна. Асабліва была адзначана дзейнасць пакістанска-беларускіх груп дружбы, якія служаць важнымі звёнамі ў наладжванні кантактаў паміж людзьмі. 

На сустрэчы абмяркоўвалася развіццё прамысловай кааперацыі, існуючыя праекты і перспектывы стварэння новых сумесных прадпрыемстваў у Пакістане. Беларусь заклікае больш актыўна праводзіць работу ў гэтым кірунку. Яшчэ адной тэмай перамоваў сталі пастаўкі беларускіх прадуктаў на пакістанскі рынак, дзе яны вельмі запатрабаваныя.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.