Вы тут

Кіраўнік дзяржавы з рабочым візітам наведвае Казахстан


Беларусі цікавы вопыт Казахстана па будаўніцтве выставачных павільёнаў для правядзення міжнароднай спецыялізаванай выставы «ЭКСПА-2017». Аб гэтым Прэзідэнт Беларусі Аляксандр Лукашэнка заявіў учора ў Астане падчас двухбаковай сустрэчы з Прэзідэнтам Казахстана Нурсултанам Назарбаевым.


«Мы не маглі не наведаць гэтую выставу, бо вы — нашы сябры, блізкія людзі, і я ведаю, як вы рыхтаваліся да гэтай выставы, колькі зроблена. Мы не проста будзем глядзець павільёны», — сказаў кіраўнік дзяржавы.

Аляксандр Лукашэнка растлумачыў, што нядаўна ў Мінску былі знесены старыя выставачныя плошчы. «Мы спланавалі будаўніцтва беларускай выставы. Таму будзем старанна вывучаць ваш вопыт. Вядома, нам такая маштабнасць не патрэбна — гэта сусветная выстава. Мы вельмі ўважліва вывучым гэты вопыт, і калі вы нам дапаможаце хоць бы архітэктурнымі праектамі, спецыялістамі, і падкажаце, мы вам будзем вельмі ўдзячныя», — адзначыў беларускі лідар.

У сваю чаргу Нурсултан Назарбаеў падзякаваў Прэзідэнту Беларусі за тое, што ён прыняў запрашэнне прыехаць у Казахстан для ўдзелу ў саміце Шанхайскай арганізацыі супрацоўніцтва і ў адкрыцці міжнароднай спецыялізаванай выставы «ЭКСПА-2017». Нурсултан Назарбаеў таксама падкрэсліў, што Беларусь на «ЭКСПА-2017» прадстаўлена асобным нацыянальным павільёнам. Па яго словах, Беларусі ёсць што паказаць па новай тэхніцы і тэхналогіях.

*  *  *

Аляксандр Лукашэнка падчас сустрэчы з казахстанскім калегам перадаў яму копіі архіўных дакументаў, выяўленых органамі дзяржбяспекі Беларусі, у дачыненні да асуджаных у БССР у канцы 1930-х гадоў па палітычных матывах і этапаваных у лагер на тэрыторыі Казахстана жанчын. Дакументы прызначаны для Музейна-мемарыяльнага комплексу памяці ахвяр палітычных рэпрэсій і таталітарызму, які размешчаны на месцы найбуйнейшага савецкага жаночага лагера — Акмолінскага спецаддзялення Карлага НКУС СССР, больш вядомага як Акмолінскі лагер жонак здраднікаў Радзімы (Алжыр).

Беларускі лідар звярнуў увагу, што Нурсултан Назарбаеў шмат увагі ўдзяляе аднаўленню аб'ектыўнасці гісторыі і гістарычнага працэсу. Кіраўнік нашай дзяржавы расказаў, што калі даведаўся аб рэалізацыі ідэі па стварэнні музейна-гістарычнага комплексу на месцы былога лагера недалёка ад Астаны, то даручыў КДБ Беларусі знайсці і вывучыць архіўныя матэрыялы, бо ў лагер высылаліся людзі з самых розных рэспублік былога СССР.

«Мы знайшлі цікавыя матэрыялы. Думаю, яны паслужаць асновай нашай беларускай выстаўкі ў гэтым музеі», — выказаў на-
дзею Аляксандр Лукашэнка. Паводле яго слоў, перадаваемыя дакументы — копіі спраў у дачыненні да жонак беларускіх пісьменнікаў, лісты сваякоў рэпрэсаваных жанчын. Сярод іх — і цешча народнага паэта Беларусі Петруся Броўкі.

Паводле БелТА

Загаловак у газеце: Вопыт, годны для пераймання

Выбар рэдакцыі

Грамадства

Як «маленькая «Заря» распальвала партызанскі рух на Брэстчыне

Як «маленькая «Заря» распальвала партызанскі рух на Брэстчыне

У 1943—1944 гадах легендарнай Хаваншчыны (Івацэвіцкі раён) немец баяўся як агню.

Культура

Андрэй Куціла: У параўнанні з ігравым  дакументальнае кіно — несумленнае

Андрэй Куціла: У параўнанні з ігравым дакументальнае кіно — несумленнае

Заўтра ў харвацкай сталіцы пачынаецца міжнародны фестываль дакументальнага кіно ZаgrеbDох, у асноўны конкурс якога адабраны і фільм беларускага дакументаліста Андрэя Куцілы Summа.

Калейдаскоп

Вясёлыя гісторыі чытачоў

Вясёлыя гісторыі чытачоў

Піць — хваробу лячыць...

Эканоміка

Ці паўплываюць буйныя спартыўныя спаборніцтвы на кошт арэнды жылля ў Мінску

Ці паўплываюць буйныя спартыўныя спаборніцтвы на кошт арэнды жылля ў Мінску

Рынак нерухомасці заўсёды нестабільны перад значнымі мерапрыемствамі, якія прыцягваюць турыстаў.