За месяц беспрацоўе знізілася на 0,1 працэнтнага пункта ў Брэсцкай вобласці (да 1,1 працэнта), Гомельскай (да 1), Гродзенскай (да 0,9), Мінскай (да 0,8) абласцях і ў сталіцы (да 0,4). На Віцебшчыне і Магілёўшчыне гэты паказчык застаўся нязменным — 1,1 і 1 працэнт адпаведна.
Летам узровень зарэгістраванага беспрацоўя традыцыйна зніжаецца. Гэта звязана з ростам вакансій на часовых і сезонных работах, павелічэннем попыту на працоўную сілу ў цэлым.
Калі параўноўваць з леташняй сітуацыяй, то за год колькасць незанятых грамадзян на ўліку зменшылася амаль на 26 працэнтаў (цяпер на ўліку стаіць 37,5 тысячы чалавек). Каэфіцыент напружанасці на рынку знізіўся з 1,5 да 0,7 беспрацоўнага на вакансію, а магчымасць умоўнага ўладкавання на работу вырасла ўдвая — з 68,9 да 133,6 працэнта.
Наталля ЛУБНЕЎСКАЯ
Сумесныя праекты ядзерных тэхналогій.