У сувязі з правядзеннем трэніровак парада тэхнікі 28 чэрвеня ў Мінску з 18.00 будзе часова абмежаваны рух транспарту.
Гаворка ідзе пра ўчасткі: праспект Незалежнасці ад вуліцы Старынаўскай да праспекта Машэрава і па праспекту Машэрава ад праспекта Незалежнасці да праспекта Пераможцаў.
Як паведамілі ва УДАІ ГУУС Мінгарвыканкама, з 22.00 на перыяд генеральнай трэніроўкі парада будзе часткова абмежаваны рух па маршруту: праспект Машэрава, вуліцы Ціміразева, Сапёраў, праспект Пераможцаў, вуліца Арлоўская, плошча Бангалор, вуліца Сурганава, праспекты Незалежнасці і Машэрава.
Дзяржаўтаінспекцыя рэкамендуе кіроўцам і пасажырам грамадскага транспарту ўлічваць гэтую інфармацыю і планаваць свой маршрут загадзя.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?