Вы тут

Як стаць экагаспадыняй?


Вітаю вас, шаноўныя сябры, у нялёгкі час “наступства” розных святаў на нашу краіну! Не паспела адысці навагодняя мітусня, як на календары — дні закаханых, мужчын і жанчын (коску можна ставіць па жаданні). Зразумела, што наводзіць парадак неабходна рэгулярна, але калі вы чакаеце гасцей з якой-­небудзь нагоды, прыбрацца хочацца асабліва чыста. Мы ўжо казалі пра бытавую хімію, як яе правільна выбіраць і выкарыстоўваць, але ў гэтым выпуску мы параім, як наогул без яе абысціся.

 

1. Адбельвальнік можна цалкам замяніць на перакіс вадароду (дастаткова 2-3 ст. лыжкі на адно пранне) ці нашатырны спірт.

2. Замест пральнага парашку можна ўзяць звычайнае гаспадарчае мыла (яго дастаткова нацерці на тарку).

3. Асвяжальнік паветра можаце зрабіць самі! Трэба толькі набыць ватныя шарыкі ці дыскі і намачыць іх эфірнымі масламі (на ваш густ). Таксама можна напоўніць пульверызатар вадой, спіртам і 2-3 кроплямі эфірнага масла. Некалькі “пшыкаў” — паветра прыемна пахне.

4. Звычайная харчовая сода — гэта сапраўдны поліачышчальнік амаль на ўсе выпадкі жыцця! Яе можна выкарыстоўваць для мыцця посуду (нават у халоднай вадзе), для вывядзення розных плямаў, для чысткі алюмініевых, храміраваных, стальных і пластыкавых паверхняў. З дапамогай соды можна вярнуць колер , бляск срэбру, вымыць халадзільнік. У сусветнай павуціне лёгка знойдуцца рэцэпты хатніх мыйных сродкаў на аснове соды. Эфект здзіўляе і вопытных гаспадынь!

5. Воцат хутка і без напружання дапамо жа вымыць санвузел: яго дэзінфіцыру ючыя ўласцівасці пазбавяць ад шкодных мікробаў. Воцатам адмываюць плітку, кафлю, шкло, выдаляюць накіп (дарэчы, апошняе адносіцца і да лімоннай кіслаты. Дастаткова дабавіць пакецік у электрачайнік — і ўвесь накіп знікне). Калі ж у літар воцату пакласці цэдру любых цытрусавых і даць настаяцца каля 2 тыдняў, а затым працадзіць і разбавіць вадой 1:1, то вы атрымаеце выдатны экалагічны мыйны сродак для розных паверхняў.

6. Трэба пазбавіцца ад цвілі ці ачысціць вырабы з бронзы і медзі? Вам дапамогуць звычайныя соль і лімон!

Дарэчы, мы часта забываемся на тое, што спяшацца пры ўборцы (і не толькі) не трэба. Не абавязкова адмываць хімічнымі сродкамі разлітае на пліту малако, дастаткова заліць яго на некаторы час вадой і даць адмокнуць. Памятайце, што хатняя хімія — асноўны забруджвальнік бытавых стокавых вод, якія трапляюць у вадаёмы, а далей ізноў да чалавека. У нашых руках не дапусціць далейшае забруджванне вады — галоўнага жыццёвага рэсурсу. Хай пакуль невялікімі крокамі — шляхам невялікай адмовы ад бытавой хіміі.

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.