15 Жнівень, серада

Вы тут

Прыём картак Visa payWave даступны на станцыі метро "Плошча Леніна"


У мінскім метрапалітэне з’явіўся першы мадэрнізаваны турнікет з магчымасцю прыёму бескантактных банкаўскіх картак Visa payWave любых банкаў. Ініцыятыва рэалізуецца ў межах праекта “Аўтаматызаваная сістэма аплаты і кантролю праезду” пры ўдзеле “Сталічнага транспарту і сувязі”, Мінскага метрапалітэна, “БПС-Ашчадбанк”, міжнароднай плацежнай сістэмы Visa і IBA Group. У свеце ўсяго каля дваццаці падобных праектаў, а на тэрыторыі СНД Мінск стане трэцім пасля Масквы і Кіева з падобнай магчымасцю.


Пакуль размова ідзе аб пілотным праекце, які будзе рэалізаваны ў бліжэйшыя тры месяцы. Калі па завяршэнні карыстальнікі дадуць станоўчыя ацэнкі такой з’яве, то можна будзе ісці далей і ўкараняць гэту сістэму ў наземным транспарце, адзначае дырэктар прадпрыемства “Сталічны транспарт і сувязь” Валерый ШКУРАТАЎ.

Штодня паслугамі метрапалітэна карыстаюцца 800 тысяч пасажыраў, даволі значная частка якіх набывае жэтон на адну паездку — адсюль і чэргі ля касы, што даволі нязручна. А цяпер уладальнік карткі Visa payWave падыходзіць да турнікета, які па сваім колеры і спецыяльных указальніках няцяжка разгледзець сярод іншых, і прыкладае банкаўскую картку да валідатара.

З цягам часу не толькі Visa будзе прадастаўляць падобную магчымасць. Валідатары, распрацаваныя беларускімі спецыялістамі, маюць магчымасць падтрымліваць розныя бескантактныя прылады, так што ў далейшым да іх можна будзе прывязаць і гаджэты. Больш за тое, размова можа ісці не толькі пра аднаразовыя паездкі, а таксама пра зніжкі пры пэўнай колькасці паездак на працягу сутак. Пераабсталяванне ўсіх турнікетаў на ўсіх станцыях метро будзе адбывацца паэтапна.

Святлана БАРЫСЕНКА

Дадаць каментар

Выбар рэдакцыі

Прэзідэнт

Чаму буксуе «аршанская мадэль»?

Чаму буксуе «аршанская мадэль»?

Вынікі рэзананснай камандзіроўкі Прэзідэнта ў Аршанскі раён падвялі на спецыяльнай нарадзе — не абышлося без адставак.

Грамадства

Якія патрабаванні прад'яўляюцца да новых падручнікаў?

Якія патрабаванні прад'яўляюцца да новых падручнікаў?

У наступным навучальным годзе ў беларускіх школах будуць выкарыстоўвацца 44 новыя вучэбныя дапаможнікі. 

Грамадства

Не багі гаршкі абпальваюць...

Не багі гаршкі абпальваюць...

...а ўдзельнікі шостага міжнароднага пленэру ганчароў, які нядаўна прайшоў у вёсцы Гарадная Столінскага раёна.