Вы тут

У Гродна можна пайсці на масаж паводле традыцыйнай усходняй медыцыны


У Гродна можна атрымаць фізія- і іголкарэфлексатэрапію, вода- і травалячэнне, пайсці на масаж і заняткі ёгай паводле традыцыйнай усходняй медыцыны.


Праект коштам 600 тысяч долараў ажыццявілі інвестары з правінцыі Ганьсу. Цэнтр традыцыйнай кітайскай медыцыны ўзведзены каля дзіцячай паліклінікі абласнога цэнтра. Па словах старшыні Гродзенскага гарвыканкама Мечыслава Гоя, рашэнне аб адкрыцці было прынятае пасля таго, як гродзенская дэлегацыя наведала такі цэнтр у Кітаі. Прапанаваныя тут методыкі скіраваныя на рэабілітацыю і прафілактыку захворванняў. У новым цэнтры будуць працаваць як нашы спецыялісты, так і кітайскія — пасля атрымання неабходных сертыфікатаў для работы ў беларускай сістэме аховы здароўя.

Цэнтр традыцыйнай кітайскай медыцыны — другі аб'ект, узведзены кітайскімі інвестарамі ў Гродне. Нядаўна запушчаны ў эксплуатацыю смеццесартавальны завод, на чарзе — праект па рэканструкцыі гасцініцы «Гродна». У мінулым годзе гандлёва-прамысловая карпарацыя правінцыі Ганьсу набыла 16-павярховы будынак гасцініцы. Праект прадугледжвае стварэнне 4-зоркавага гатэля, рэстарана кітайскай кухні, офісных і гандлёвых памяшканняў.

Маргарыта УШКЕВІЧ

margo@zviazda.by

Загаловак у газеце: Кітайскі масаж

Выбар рэдакцыі

Грамадства

Псіхолаг расказвае, як знайсці агульную мову з падлеткам

Псіхолаг расказвае, як знайсці агульную мову з падлеткам

Пераходны ўзрост не толькі выпрабоўвае на трываласць самога падлетка і яго бацькоў...

Грамадства

Час, адукацыя і заробак — тры праблемы шматдзетных маці. Як пераадольваць?

Час, адукацыя і заробак — тры праблемы шматдзетных маці. Як пераадольваць?

Памеры дзіцячых выплат бываюць нават большыя за заробак.

Грамадства

Як трэба бяспечна паводзіць сябе на лёдзе?

Як трэба бяспечна паводзіць сябе на лёдзе?

З першага зімовага лёду сёлета дадому не вярнуліся тры чалавекі.