26 Верасень, серада

Вы тут

Аляксандр Лукашэнка: Мы не дзелім Расію і Беларусь па межах


Мы не дзелім Расію і Беларусь па межах, а спрабуем пабудаваць нешта агульнае, заявіў Прэзідэнт Беларусі Аляксандр Лукашэнка сёння на сустрэчы з губернатарам Калінінградскай вобласці Расіі Антонам Аліханавым.


"Спадзяюся, мы будзем і далей развіваць нашы адносіны менавіта ў тым ключы, што мы людзі не чужыя, у нас адзіная бацькаўшчына. Мы не дзелім Расію і Беларусь па межах, а спрабуем пабудаваць нешта агульнае - назвалі яго Саюзнай дзяржавай", - сказаў Аляксандр Лукашэнка.

Прэзідэнт звярнуў увагу на асобныя пытанні, з якімі сутыкаецца як Беларусь, так і Калінінградская вобласць, а ў яе твары Расія. "Тое, што адбываецца на межах з Беларуссю, - гэта адлюстраванне мяжы з Калінінградам. Мы датыкаемся твар у твар, лоб у лоб з актывізацыяй НАТА. Ды і ў эканоміцы, ведаеце, у гандлі кожны пераследуе там свае інтарэсы. Не скажу, што яны нас ужо вельмі любяць - і вас, і нас, Расію і Беларусь. Таму, як бы тут не абмяркоўвалі гэтыя пытанні, не рабілі нас празаходнімі і гэтак далей, мы выдатна разумеем, што гэта рыторыка. А канкрэтныя факты на твар кажуць пра тое , што нам няма на каго разлічваць, нам, беларусам і расіянам, трэба бачыць свой інтарэс, цікавасць сваіх народаў", - падкрэсліў кіраўнік дзяржавы.

"Вы заўсёды можаце разлічваць на Беларусь. У цяжкую хвіліну мы заўсёды падставім плячо", - заявіў Аляксандр Лукашэнка.

Таксама Прэзідэнт зазначыў, што Беларусь гатовая да супрацоўніцтва з Калінінградскай вобласцю па ўсіх напрамках.

"Мы гатовыя да супрацоўніцтва па ўсіх напрамках, якія цікавяць Калінінградскую вобласць. У гэтым вы можаце быць упэўненыя", - падкрэсліў Аляксандр Лукашэнка.

Прэзідэнт заявіў, што Беларусь разглядае гэты рэгіён Расіі як вельмі перспектыўнага і блізкага гандлёва-эканамічнага партнёра. "Няхай абсалютныя лічбы невялікія, але ёсць куды расці. Ёсць праекты, праграмы, па якіх мы можам супрацоўнічаць", - адзначыў кіраўнік дзяржавы.

У прыватнасці, перспектыўным можа стаць паглыбленне прамысловай кааперацыі, узмацненне ўзаемадзеяння ў аграрнай, будаўнічай і транспартнай сферах. "У развіцці менавіта такіх сектараў наша краіна традыцыйна моцная. У нас і ў прамысловасці, і ў аўтамабілебудаванні і станкабудаванні ёсць магчымасці для супрацоўніцтва. І ў плане будаўніцтва сельскагаспадарчых аб'ектаў, і наогул будаўніцтва. У свой час Беларусь была маяком і прыкладам у будаўнічай галіны" , - звярнуў увагу Прэзідэнт.

Аляксандр Лукашэнка заўважыў, што цяпер у Калінінградскай вобласці рыхтуюцца да правядзення чэмпіянату свету па футболе 2018 года. "Калі патрэбна дапамога, можам аказаць. І не толькі будаўніцтвам, але, як некалі мы ў Сочы рабілі, і транспартам. Мы можам пастаўляць вам і гатовыя металаканструкцыі, і цэмент, і іншыя матэрыялы для будаўніцтва", - прапанаваў ён.

Не менш перспектыўным бачыцца супрацоўніцтва па развіцці лічбавай эканомікі, IT-індустрыі, інфарматызацыі. "Мы даўно адчулі гэты напрамак. Мы стварылі магутны IT-парк, дзе сёння прапісаны сусветныя кампаніі, і таму-сяму навучыліся. Таму, калі ласка, скарыстайцеся гэтымі магчымасцямі настолькі, наколькі вам гэта трэба", - сказаў кіраўнік дзяржавы.

БЕЛТА

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.