У наступныя двое сутак у Беларусі захаваецца цёплае надвор'е, ападкаў будзе няшмат, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У суботу днём па паўднёвым усходзе краіны пройдуць кароткачасовыя ападкі: мокры снег, дождж. Тэмпература паветра ўначы складзе ад мінус 3 да плюс 3 градусаў, удзень — ад нуля да 5 цяпла. А ў нядзелю на большай частцы тэрыторыі краіны чакаюцца кароткачасовыя ападкі з перавагай мокрага снегу. Уначы — ад мінус 3 да плюс 2 градусаў, удзень — ад нуля да плюс 5.
У панядзелак і аўторак на тэрыторыю Беларусі пачне паступаць больш халодная няўстойлівая паветраная маса з поўначы Еўропы. У панядзелак на большай частцы краіны пройдуць кароткачасовыя ападкі, у асноўным мокры снег. Тэмпература паветра ўначы складзе ад мінус 3 да плюс 2, удзень — ад нуля да плюс 5 градусаў. У аўторак уначы на большай частцы тэрыторыі, а ўдзень пераважна па паўднёва-заходняй частцы краіны чакаецца кароткачасовы снег. Тэмпература паветра ўначы складзе ад мінус 5 да нуля, днём — ад мінус 2 да плюс 3 градусаў.
Сяргей КУРКАЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?