Вы тут

Міністры розных краін абмеркавалі ўстойлівую інфекцыю


Першая Глабальная міністэрская канферэнцыя СААЗ “Ліквідаваць туберкулёз у эпоху ўстойлівага развіцця: шматсектаральны падыход” заклікана паскорыць ажыццяўленне краінамі стратэгіі па ліквідацыі туберкулёзу. Вынікі канферэнцыі на ўзроўні міністраў будуць прынятыя да ведама нарадай па туберкулёзе Генасамблеі ААН у 2018 годзе. 


На канферэнцыі, якая праходзіць у Маскве, сабраліся прадстаўнікі 120 краін, сярод якіх міністр аховы здароўя нашай краіны Валерый Малашка, першы намеснік міністра фінансаў Максім Ермаловіч і іншыя афіцыйныя асобы.

Той факт, што ў зале прысутнічаюць не толькі міністры аховы здароўя, але і міністры эканомікі, сацыяльнага развіцця, сельскай гаспадаркі, замежных спраў і іншых сектараў, сведчыць аб рэальных перспектывах прымянення прынцыпу міжсектаральнасці ў рашэнні праблемы туберкулёзу”, — адзначыў у сваім выступленні Прэзідэнт Расіі Уладзімір Пуцін. Паводле яго слоў, “па ацэнках экспертаў, сёння туберкулёзам інфіцыравана — проста страшна назваць гэту лічбу — каля трэці насельніцтва планеты”. Гэта захворванне адбірае больш жыццяў, чым любая іншая інфекцыя. Зніжэнне смяротнасці ад туберкулёзу ўваходзіць, па словах расійскага лідара, у лік дзяржаўных прыярытэтаў нароўні са зніжэннем смяротнасці ад сардэчна-сасудзістых захворванняў.     

Як паведаміла прэс-служба Міністэрства аховы здароўя Беларусі, выступаючы на міністэрскай дыскусіі, якая прайшла ў межах канферэнцыі, Валерый Малашка адзначыў, што праблема барацьбы з мульцірэзістэнтным туберкулёзам з’яўляецца актуальнай і прыярытэтнай праблемай для рэспублікі, а таму Беларусь адна з першых ва Усходняй Еўропе правяла ў 2011 годзе па методыцы СААЗ даследаванне па вызначэнні аб’ектыўнага ўзроўню множнай лекавай устойлівасці сярод пацыентаў. Дзякуючы мэтанакіраванай дзяржаўнай палітыцы ў галіне барацьбы з туберкулёзам, пры міжнароднай тэхнічнай і фінансавай падтрымцы, за восем гадоў узровень смяротнасці знізіўся ў нас на 60 працэнтаў, узровень захваральнасці з улікам рэцыдываў — на 40. Зменшылася і колькасць выяўленых пацыентаў. Такім чынам, Беларусь разлічвае ў поўнай меры дасягнуць пастаўленых мэт Стратэгіі СААЗ па ліквідацыі туберкулёзу і забяспечыць паспяховае вылечванне множнай лекавай устойлівасці на ўзроўні 80 працэнтаў.

Святлана БАРЫСЕНКА   

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.