Вы тут

У 2014 годзе наша краіна падпісала Мінамацкую канвенцыю аб ртуці


Але пакуль не ратыфікавала яе.

Каб пачаць рэалізоўваць палажэнні гэтага міжнароднага дакумента, трэба прааналізаваць магчымасці нацыянальнага заканадаўства і правесці інвентарызацыю крыніц забруджвання ртуццю і яе злучэннямі. На гэта і накіраваны праекты міжнароднай тэхнічнай дапамогі «Ратыфікацыя і пачатак рэалізацыі Мінамацкай канвенцыі аб ртуці ў Беларусі» і «Правядзенне першапачатковай ацэнкі ўмоў для рэалізацыі Мінамацкай канвенцыі ў Рэспубліцы Беларусь». Нацыянальным выканаўчым агенцтвам праектаў выступае Беларускае грамадскае аб'яднанне «Экалагічная ініцыятыва».


Як адзначыў намеснік міністра прыродных рэсурсаў і аховы навакольнага асяроддзя Аляксандр Корбут, стаўшы падпісантам Мінамацкай канвенцыі аб ртуці, Беларусь яшчэ раз прадэманстравала, што яна ўдзяляе вялікую ўвагу праблеме неспрыяльнага ўплыву ртуці на здароўе чалавека і стан навакольнага асяроддзя. А рэалізацыя праектаў міжнароднай тэхнічнай дапамогі будзе ў тым ліку садзейнічаць дасягненню мэт, устаноўленых Нацыянальнай стратэгіяй устойлівага сацыяльна-эканамічнага развіцця Беларусі на перыяд да 2030 года.

— Мы распачынаем практычныя дзеянні, вынікам якіх стане ацэнка бягучай сітуацыі ў Беларусі ў сферы абыходжання з ртуццю, — расказала намеснік старшыні Савета БГА «Экалагічная ініцыятыва» Вольга Волкава. — Неабходна ацаніць наступствы і перавагі ратыфікацыі канвенцыі, а таксама вызначыць прыярытэтныя кірункі дзейнасці на шляху да рэалізацыі палажэнняў Мінамацкай канвенцыі.

Па словах эксперта, у сукупнасці рэалізацыя праектаў разлічана на 2,5 года. Іх партнёрамі выступаюць міжнародныя арганізацыі UNІTAR, UNEP, «Швейцарскі Зялёны крыж», Глабальны экалагічны фонд.

У нашай краіне вырашэннем праблемы негатыўнага ўздзеяння ртуці і яе злучэнняў пакуль сістэмна не займаюцца. Таму пасля ратыфікацыі Беларуссю Мінамацкай канвенцыі пры рэалізацыі яе палажэнняў неабходна будзе выканаць шэраг мер, накіраваных на прадухіленне і зніжэнне выкідаў забруджвальных рэчываў, якія змяшчаюць ртуць, спыненне вытворчасці некаторых вырабаў (асвятляльныя прыборы, медыцынскія інструменты і інш.), укараненне тэхналогій па бяспечным абыходжанні з ртуцьзмяшчальнымі адходамі.

Адной з самых важных частак рэалізацыі праектаў стане інвентарызацыя ўсіх запасаў ртуці, крыніц яе імпарту і экспарту, вызначэнне ўсіх вытворчых працэсаў, у якіх прымяняюцца ртуць або ртутныя злучэнні, выяўленне ўчасткаў, забруджаных ртуццю, вызначэнне колькасці і крыніцы ртутных адходаў і многае іншае.

Сусветная супольнасць убачыла ўсю згубную моц ртуці і яе злучэнняў у 1956 годзе, калі больш за 1700 жыхароў Японіі пацярпелі ад уздзеяння метылату ртуці. У памяць аб ахвярах трагедыі — жыхароў рыбалавецкага пасёлка Мінамата — і быў названы міжнародны дакумент, накіраваны на ахову здароўя людзей і навакольнага асяроддзя ад антрапагенных выкідаў і вызваленняў ртуці і яе злучэнняў. Мінамацкая канвенцыя аб ртуці была падпісана ў 2013 годзе ў горадзе Кумамота. Работа ж па падрыхтоўцы канвенцыі і распрацоўцы яе палажэнняў пачалася ў 2003 годзе пры актыўным удзеле спецыялістаў з Швейцарыі і Нарвегіі. Набыла яна моц у жніўні 2017 года. У цяперашні час дакумент ратыфікавалі 84 краіны свету з 128 падпісантаў.

Вераніка КОЛАСАВА

kolasava@zvіazda.by

Загаловак у газеце: Перапіс... для ртуці

Выбар рэдакцыі

Грамадства

«Лепшы цюнінг для машын — правільны пратэктар шын»

«Лепшы цюнінг для машын — правільны пратэктар шын»

Менавіта пад такім слоганам будзе праводзіцца Рэспубліканская прафілактычная акцыя, якая ініцыяваная на нашых дарогах Дзяржаўтаінспекцыяй краіны. 

Грамадства

Зімовы асартымент. Колькі каштуюць «вітаміны» на «Лебядзіным»

Зімовы асартымент. Колькі каштуюць «вітаміны» на «Лебядзіным»

З якімі прыкметамі вы звязваеце набліжэнне зімы? 

Грамадства

Якiя нашы звычкi шкодзяць здароўю i знiшчаюць iмунiтэт?

Якiя нашы звычкi шкодзяць здароўю i знiшчаюць iмунiтэт?

Мы ў жыццi шмат чаго робiм, што пагаршае наша здароўе — або адразу, або ў аддаленай перспектыве.