«Алібаба» стварыла больш за 36,8 млн працоўных месцаў

Цягам мінулага года.

У 2017 годзе кітайскі гігант электроннага гандлю "Алібаба" стварыў больш 36,8 млн працоўных месцаў за кошт сваёй шырокай рознічнай экасістэмы. Пра гэта гаворыцца ў дакладзе Народнага універсітэта Кітая, перадае "Жэньмінь жыбаа" анлайн". 

Такія гандлёвыя платформы "Алібаба", як Таабаа і Тmall, ахопліваюць больш за 500 млн спажыўцоў і стварылі прыкладна 14,05 млн працоўных месцаў у 2017 годзе, адзначаецца ў дакладзе. Такія галіны рознічнага продажу, як вопратка і тэкстыль, тавары хатняга ўжытку і бытавыя электрапрыборы, прадаставілі найбольшую колькасць працоўных месцаў. Набіраючы абароты рознічны анлайн-гандаль таксама спрыяў росту попыту на спецыялістаў у такіх сектарах, як навукова-даследчыя і доследна-канструктарскія распрацоўкі (R & D), дызайн, вытворчасць і лагістыка, у якіх у сукупнасці было створана каля 22,76 млн працоўных месцаў.