Вы тут

Як удасканаліць бізнес-ідэю?


Навукова-практычная канферэнцыя Міжнароднага конкурсу стартап-праектаў БДУ “BizTech BSU StartUp Contest” пройдзе з 24 па 27 красавіка ў БДУ.


На форуме выступяць прадстаўнікі ІТ-індустрыі з Беларусі, Расіі, Злучаных Штатаў Амерыкі, Вялікабрытаніі і Германіі. Усяго запланавана абмеркаванне звыш 50 дакладаў. Таксама ў рамках мерапрыемства будуць арганізаваныя прэзентацыі і майстар-класы, прысвечаныя ўдасканаленню бізнес-ідэй і іх увасабленню ў міжнародны бізнес.

Слухачамі стануць каля 100 школьнікаў, студэнтаў, маладых навукоўцаў і прадпрымальнікаў з Беларусі, Расіі, Украіны і Казахстана. Гэта стартаперы-пачаткоўцы, праекты якіх у маі будуць прадстаўлены на II Міжнародным конкурсе стартап-праектаў “BizTech BSU StartUp Contest”. Удзел у канферэнцыі дазволіць аўтарам папярэдне ацаніць свае ініцыятывы, знайсці партнёраў з ліку прадстаўнікоў бізнэс-эліты, а таксама месца для стажыроўкі і працы.

БДУ сёлета падрыхтаваў больш за 20 наватарскіх ідэй. Іх аўтарамі з'яўляюцца прадстаўнікі эканамічнага факультэта, факультэтаў міжнародных адносін, радыёфізікі і камп'ютарных тэхналогій, філасофіі і сацыяльных навук, прыкладной матэматыкі і інфарматыкі, а таксама Ліцэя БДУ.

Абарона праектаў і адбор фіналістаў адбудзецца 11 мая. Пераможцаў вызначаць 18 мая.

Арганізатарамі Міжнароднага конкурсу стартап-праектаў БДУ “BizTech BSU StartUp Contest” выступаюць эканамічны факультэт БДУ сумесна з Паркам высокіх тэхналогій.

Надзея НІКАЛАЕВА

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.