Вы тут

Мінпрыроды правядзе мерапрыемствы для дэградаваных тэрыторый


Праект «Аднаўленне асушаных тарфянікаў у Беларусі» Міністэрства прыродных рэсурсаў і аховы навакольнага асяроддзя прэзентавала ў ААН. Прапанова была ўхвалена Сакратарыятам Канвенцыі ААН па барацьбе з апустыньваннем у тых краінах, якія адчуваюць сур'ёзную засуху і/або апустыньванне, асабліва ў Афрыцы.


Як расказалі ў Мінпрыроды, беларускі праект стаў часткай мерапрыемстваў Чангвонскай ініцыятывы «Партнёрства па азеляненні засушлівых зямель», якая фінансуецца са сродкаў Міністэрства харчавання, сельскай гаспадаркі, лясной гаспадаркі і рыбалоўства Паўднёвай Карэі. У межах гэтай міжнароднай ініцыятывы Беларусь была адабрана сярод краін рэгіёна Усходняй Еўропы і Сярэдняй Азіі для ажыццяўлення дэманстрацыйнага праекта па экалагічнай рэабілітацыі дэградаваных тэрыторый і ўкараненні падыходу па нейтральнай дэградацыі зямель на мясцовым узроўні.

Сродкі, выдзеленыя на рэалізацыю пілотнага праекта, дазволяць аднавіць парушаныя тарфянікі ў Магілёўскай вобласці. У прыватнасці, будзе здзейснена экалагічная рэабілітацыя (праз пасадку лесу альбо забалочванне) не менш за 1000 га асушаных тарфянікаў для ўключэння іх у гаспадарчы абарот. Адбор канкрэтных тэрыторый для вядзення работ адбудзецца ў маі-чэрвені 2018 года, а само аднаўленне — на працягу 2018—2019 гадоў. Таксама са сродкаў праекта прафінансуюць мерапрыемствы, накіраваныя на прапаганду рацыянальнага выкарыстання прыродных рэсурсаў і прадухіленне дэградацыі зямель у будучым.

Рэалізацыя гэтага праекта будзе спрыяць выкананню задач сацыяльна-эканамічнага развіцця паўднёва-ўсходняга рэгіёна Магілёўскай вобласці.

Маргарыта ДРАЗДОВА

Загаловак у газеце: Тарфянікі рэабілітуюць

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.

Грамадства

Птушкі, людзі, цытаты з класікаў: хто, як і навошта расфарбоўвае гарады

Птушкі, людзі, цытаты з класікаў: хто, як і навошта расфарбоўвае гарады

 Карэспандэнт «Звязды» сустрэлася з мастаком Аляксандрам Благіем.

Грамадства

На лячэнне і паляванне. Што прыцягвае замежнікаў у Беларусі?

На лячэнне і паляванне. Што прыцягвае замежнікаў у Беларусі?

​Беларускія санаторыі перасталі быць месцам адпачынку пераважна пажылых людзей.

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці