Вы тут

На якую матэрыяльную дапамогу могуць разлічваць у Слаўгарадскім раёне?


На ліквідацыю наступстваў Чарнобыльскай катастрофы за 32 гады дзяржава накіравала 18,4 мільярда долараў. З іх палова непасрэдна на сацыяльную абарону насельніцтва, у тым ліку на льготы канкрэтным катэгорыям насельніцтва. У Слаўгарадзе, напрыклад, жанчыны, якія знаходзяцца ў адпачынку па даглядзе дзіцяці да трох гадоў, маюць права на 150-працэнтную дапамогу. А маладыя спецыялісты, якія прыязджаюць працаваць у раён, пры заключэнні кантракта на пяць гадоў могуць разлічваць на дапамогу ў памеры 200 базавых велічынь, пры наступным кантракце яшчэ на пяць гадоў — на 300.

Старшыня Слаўгарадскага раённага Савета дэпутатаў Святлана Язерская звярнула ўвагу на тое, што пры рэалізацыі гэтых ільгот узнікаюць праблемныя моманты.

— У пастанове Саўміна ад 30 лістапада 1998 года № 1842, дзе размова ідзе пра фінансавую дапамогу спецыялістам пры заключэнні кантрактаў у раёнах, якія пацярпелі ад Чарнобыльскай АЭС, улічаны не ўсе катэгорыі, — паведаміла яна. — Імі не могуць скарыстацца дарожнікі, будаўнікі, спецыялісты па спорце, сацыяльнай сферы, некаторыя работнікі сельскай гаспадаркі. Напрыклад, аграном можа атрымаць гэтыя выплаты, а галоўны аграном, калі адносіцца да катэгорыі кіраўніка, не. Пры гэтым усе работнікі спажыўкааперацыі — ад грузчыка да кіраўніка — трапілі ў гэты спіс. У выніку дэфіцытныя кадры не вельмі ахвотна замацоўваюцца ў раёне. Няма льгот.

Што датычыцца падтрымкі жанчын, якія выхоўваюць дзяцей ва ўзросце да трох гадоў, тут таксама ёсць праблемы. Гэта льгота дае права на працягу трох гадоў атрымліваць дапамогу ў памеры 150 % на падставе толькі рэгістрацыі. У выніку да нас прыязджаюць маладыя маці, каб зарэгістравацца. Самі жывуць у Мінску, Магілёве і атрымліваюць ільготу.

Загаловак у газеце: Навесці парадак з ільготамі

Выбар рэдакцыі

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў. 

Палітыка

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Валерый Вакульчык, які з верасня гэтага года працаваў на пасадзе дзяржаўнага сакратара Савета бяспекі Беларусі, а да гэтага быў старшынёй Камітэта дзяржаўнай бяспекі, сёння прызначаны памочнікам Прэзідэнта Беларусі — інспектарам па Брэсцкай вобласці. 

Культура

Ірына Відава: Такіх мужчын, як Алег Молчан, адзін на мільён

Ірына Відава: Такіх мужчын, як Алег Молчан, адзін на мільён

Чвэрць стагоддзя разам, і ніколі не было сумна ці нецікава адно з адным.