Камфортнае і ў асноўным без ападкаў надвор'е чакаецца па краіне на гэтым тыдні, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Гаспадарыць на тэрыторыі Беларусі на гэтым тыдні будзе шырокі антыцыклон, які раскінуўся над поўначчу Еўропы. Дзякуючы гэтаму на большай частцы тэрыторыі нашай краіны захаваецца сонечнае, сухое і цёплае надвор'е з тэмпературным фонам на 2—4 градусы вышэй за кліматычную норму. Толькі ў паўднёвых раёнах, дзе адаб'ецца ўплыў франтальнага падзелу, ёсць верагоднасць кароткачасовых дажджоў.
У сераду, на свята Перамогі — 9 Мая, будзе пераважна без ападкаў, толькі раніцай і ўдзень у асобных раёнах па поўдні краіны магчымы кароткачасовыя дажджы, навальніцы. Тэмпература паветра ў начныя і ранішнія гадзіны складзе 6—13 цяпла, у другой палове дня паветра прагрэецца да плюс 20—26 градусаў.
І 10 мая будзе пераважна без ападкаў, толькі раніцай і ўдзень у асобных раёнах па крайнім паўднёвым захадзе краіны магчымы кароткачасовыя дажджы, часам навальніцы. Тэмпература паветра ўначы складзе 8—14 цяпла, па паўночным усходзе краіны — плюс 5—7 градусаў. А ўдзень будзе ад плюс 19 да плюс 26 градусаў.
Паводле папярэдніх прагнозаў айчынных сіноптыкаў, у пятніцу будзе пераважна без ападкаў, толькі ў асобных раёнах па крайнім паўднёвым захадзе краіны магчымы кароткачасовыя дажджы. Уначы пасвяжэе. Тэмпература паветра ўначы складзе 5—12 цяпла, а па паўночным усходзе краіны панізіцца да плюс 3-4 градусаў. Днём будзе ад плюс 17 па ўсходзе да 25 градусаў цяпла па паўднёвым захадзе краіны.
Сяргей КУРКАЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
