Вы тут

Пачалося будаўніцтва новага прадпрыемства «Амкадор-Маш»


У цырымоніі закладкі капсулы ў падмурак будучага завода прынялі ўдзел першы намеснік прэм'ер-міністра Васіль Мацюшэўскі, памочнік Прэзідэнта Беларусі Аляксандр Косінец, памочнік Прэзідэнта — інспектар па Мінскай вобласці Ігар Яўсееў, старшыня Дзяржкаммаёмасці Андрэй Гаеў, старшыня Мінаблвыканкама Анатоль Ісачанка, пасол Кітая ў Беларусі Цуй Цымін і іншыя.


Генеральным падрадчыкам будаўніцтва завода выступае СІTІС Соnstruсtіоn — даччыная кампанія карпарацыі СІTІС Grоuр, адной з найбуйнейшых дзяржаўных інвестыцыйных кампаній Кітая. «Амкадор-Маш» будзе вырабляць франтальныя і ўніверсальныя пагрузчыкі грузападымальнасцю 2—5 тон, пагрузчыкі з тэлескапічнай стралой, трактары з шарнірна-сучлененай рамай магутнасцю 250—600 конскіх сіл. На новым заводзе будуць выпускаць і гатовыя машынакамплекты для зборачных вытворчасцяў холдынга «Амкадор».

Планаваны сабекошт праекта складае каля 230 млн долараў, магутнасць вытворчасці — каля 6 тысяч машын у год. Прэзідэнт карпарацыі Ван Цзюн падкрэсліў, што будаўніцтва завода паслужыць бліскучым прыкладам супрацоўніцтва дзвюх краін і адкрые новыя старонкі ў летапісе кітайска-беларускага сяброўства.

Старшыня савета дырэктараў таварыства «Амкадор» — кіруючая кампанія холдынга» Аляксандр Шакуцін адзначыў, што завод плануецца ўвесці ў эксплуатацыю на працягу двух, магчыма, паўтара года. «Будзе выпускацца эксклюзіўная прадукцыя, яе плануецца ў асноўным экспартаваць у краіны Еўрасаюза, Азію, Афрыку, краіны былога Савецкага Саюза», — дадаў ён. Аляксандр Шакуцін таксама выказаў упэўненасць, што новае прадпрыемства стане адным з сімвалаў паспяховага ўзаемавыгаднага супрацоўніцтва Беларусі і Кітая.

Праект прадугледжвае стварэнне 1350 працоўных месцаў. У бягучым годзе плануецца пабудаваць пяціпавярховы дом для работнікаў будучага прадпрыемства.

Сяргей КУРКАЧ

Загаловак у газеце: Завод пагрузчыкаў і кітайскія інвестыцыі

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.