Вы тут

Стаўка рэфінансавання дасягнула рэкордна нізкіх 10%


Гэта мінімальны ўзровень стаўкі, апошні раз ён дзейнічаў у пачатку 2008 года.

Як мы ўжо паведамлялі, з 27 чэрвеня стаўка рэфінансавання зніжаецца з 10,5 да 10 працэнтаў гадавых, стаўкі па пастаянна даступных і двухбаковых аперацыях падтрымкі ліквіднасці — з 11,75 да 11,5 працэнта гадавых. Дакумент аб гэтым падпісаны 20 чэрвеня праўленнем Нацыянальнага банка на штоквартальным пасяджэнні па грашова-крэдытнай палітыцы.


У прэс-службе рэгулятара адзначылі, што гадавая інфляцыя запавольваецца, а прагноз развіцця сітуацыі ў эканоміцы, у знешнім гандлі, на валютным і дэпазітным рынках паказвае, што грашова-крэдытныя ўмовы, якія фарміруюцца, забяспечаць знаходжанне інфляцыі ў рамках мэтавых параметраў.

У маі прырост спажывецкіх цэн у гадавым вымярэнні склаў 4,4 працэнта пры 5 працэнтах у красавіку. Гадавая базавая інфляцыя запаволілася да 2,9 працэнта (3,1 працэнта ў красавіку), у тым ліку з прычыны ўмацавання беларускага рубля адносна кошыка замежных валют. У другой палове года чакаецца некаторы рост інфляцыі з улікам больш слабага дезынфляцыйнага ўплыву ўнутранай эканомікі, а таксама магчымага павелічэння рэгуляваных цэн. Фарміраванне курса беларускага рубля паблізу раўнаважкага ўзроўню не будзе аказваць ціску на цэны. Манетарныя ўмовы захаваюцца блізкімі да нейтральных і працягнуць забяспечваць дасягненне мэты па цэнавай стабільнасці. Чакаецца, што па выніках 2018 года інфляцыя будзе каля 5,5 працэнта.

Уздзеянне ўнутранага попыту на дынаміку цэн у сярэднетэрміновай перспектыве ацэньваецца як умеранае. Стрымліванню інфляцыі ў сярэднетэрміновай перспектыве будзе спрыяць паступовае зніжэнне інфляцыйных чаканняў, што адбываецца пад уплывам бягучай умеранай дынамікі спажывецкіх цэн і арыентацыі грашова-крэдытнай палітыкі на падтрыманне цэнавай стабільнасці.

Дадаць каментар

Выбар рэдакцыі

Культура

Хто ёсць хто на дзіцячым «Еўрабачанні»

Хто ёсць хто на дзіцячым «Еўрабачанні»

Ужо ў гэту нядзелю вырашыцца інтрыга

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг