Дома - выгадней

У Кітаі павялічваюца зарплаты спецыялістаў, якія вярнуліся з замежжа.

Кампанія Linkedln апублікавала даклад “Прывабнасць спецыялістаў, якія вярнуліся з-за мяжы”, перадае “Жэньмінь жыбаа” анлайн”. 

Згодна з дакладам, заработная плата каля 80% спецыялістаў, якія вярнуліся з замежных краін у Кітай, павялічылася, сярод іх, у паловы прыбытак вырас на больш за 20%. Што датычыцца спецыялістаў з вопытам, іх пасады прыкметна вышэй тых, хто застаўся за мяжой. Напрыклад, доля спецыялістаў на ўзроўні менеджменту і вышэй з 28% павялічылася да 42%. 

У дакладзе адзначаецца, што з 2011 па 2017 гады назіралася тэндэнцыя росту колькасці кадраў, якія адвучыўшыся за мяжой і вярнуліся ў Паднябесную. Што тычыцца групавога размеркавання, прадстаўнікі моладзі ва ўзросце ад 20 да 29 гадоў па-ранейшаму складаюць большасць сярод гэтых спецыялістаў, аднак іх доля з 79,7% у 2013 годзе ўпала да 52,2% у 2017 годзе. Адначасова з гэтым, доля кадраў ад 30 да 40 гадоў з 16,5% у 2013 годзе вырасла да 30,6% у 2017 годзе. 

Адносна прывабнасці гарадоў, расце папулярнасць такіх новых гарадоў першай лініі, як Ханчжоу і Чэнду, доля людзей, якія выбіраюць Шанхай і Пекін, прыкметна падае. Паводле дадзеных, што тычыцца індустрыяльнага размеркавання, больш за ўсё кітайскіх спецыялістаў, якія вярнуліся з іншых краін, занятыя ў фінансавай сферы, галіне навукі і высокіх тэхналогій, а таксама вытворчасці. У выбары тыпу кампаній, 90% апытаных выказалі цікавасць да транснацыянальных прадпрыемстваў, а 72% рэспандэнтаў аддалі перавагу кітайскім прыватным кампаніям.