Вы тут

Што цікавага паглядзець па тэлебачанні на наступным тыдні


«Памылка інжынера Кочына»,

«Беларусь 3», 15 жніўня

Інжынер-канструктар авіязавода Кочын бярэ дадому чарцяжы самалёта, каб унесці ў іх папраўкі паводле вынікаў лётных выпрабаванняў. Аднак яго начальнік, які супрацоўнічае з разведкай замежнай дзяржавы, паведамляе аб гэтым агенту разведкі, і той з дапамогай закаханай у Кочына суседкі пранікае ў кватэру ды фатаграфуе сакрэтныя чарцяжы. А далей у справу ўключаецца пільны шавец і супрацоўнікі органаў дзяржбяспекі, і значыць, шпіёны і шкоднікі абавязкова будуць выкрытыя.


«Капітан Фантастык»,

TV1000, 15 жніўня

Бэн Кэш з жонкай Лэслі і шасцю дзецьмі жыве далёка ад цывілізацыі ў лесе, прынцыпова выхоўвае дзяцей сам і вучыць іх навыкам выжывання, замежным мовам і навукам, сярод якіх і філасофія, і квантавая фізіка. Зняцца з месца сям'ю прымушае трагедыя: іх маці і жонка, шпіталізаваная з біпалярным расстройствам, скончыла жыццё самагубствам... Фільм, зрэшты, не ўганяе ў нудоту, а з усмешкай расказвае пра складаныя рэчы, у тым ліку выбар паміж жыццём хіпі і сучасным грамадствам з яго жорсткімі рамкамі, гаджэтамі ды сацыяльнымі сеткамі.


«Вераніка не хоча паміраць»,

«Беларусь 1», 17 і 19 жніўня

Паспяховая бізнес-ледзі Вераніка даведваецца пра здраду мужа і збіраецца падаць на развод, а каб падманшчык не змог прэтэндаваць на долю ў бізнесе, з дапамогай свайго сябра Арцёма пераводзіць усе актывы на іншую фірму. Праз некалькі дзён у аўтамабіль жанчыны ўразаецца грузавік, і тая цудам застаецца жывой. Аднак у шпіталі невядомы робіць новы замах, і Вераніка збягае. Яна падазрае мужа, аднак пасля яго трагічнай гібелі галоўным падазраваным робіцца сябар Арцём...


«Акадэмія пана Кляксы»,

TV1000 Kіnо RU, 17 і 18 жніўня

Ціхі хлопчык Адам Нескладушка, заўзяты фантазёр і летуценнік, раптам трапляе ў казачны свет. Дакладней, у казачную акадэмію пана Кляксы, куды прымаюць толькі дзяцей, і толькі тых, чые імёны пачынаюцца на літару «А». Займаюцца яны па дзіўных прадметах, сярод якіх мова раслін і жывёл і «кляксапісанне», а яшчэ вучацца бачыць цікавыя сны і рабіць добрыя справы. Хіба не з гэтага пачынаецца сапраўднае чараўніцтва?


«Афоня»,

ТВ3, 18 жніўня

Слесар-сантэхнік Афанасій, нібы жывы прыклад з анекдотаў, жыў сабе бестурботна: працаваў без імпэту, але з «наварам», любіў пры выпадку выпіць і заляцацца да дзяўчат. Але стаў героем трагікамедыі Георгія Данелія, і адразу ўсё неяк ускладнілася. Аказалася, што жыццё без мэты — шэрае і бессэнсоўнае, а шчасце можа хадзіць зусім побач, і толькі ад цябе залежыць, ці пазнаеш ты яго...

Загаловак у газеце: Назваць пайменна

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.

Грамадства

Як дзяўчаты з асаблівасцямі развіцця ўпершыню ствараюць модную калекцыю

Як дзяўчаты з асаблівасцямі развіцця ўпершыню ствараюць модную калекцыю

У лістападзе ў Мінску пройдзе Беларускі тыдзень моды.