Дзень памяці Якуба Коласа, інклюзіўны фестываль, конкурс «Веламіс 2018» — афіша «Звязды» з 13 па 19 жніўня.
Дзе: Дзяржаўны літаратурны музей імя Я.Коласа, вул. Акадэмічная, 5
Калі: 13 жніўня ў 13.00
Колькі каштуе: бясплатна
13 жніўня, у дзень памяці паэта, у 13.00 музей Якуба Коласа запрашае на адкрыццё часовай экспазіцыі «Спяшаецца сэрца…» па малавядомых матэрыялах з фондаў Дзяржаўнага літаратурна-мемарыяльнага музея Якуба Коласа, прысвечанай апошнім гадам жыцця народнага паэта, а таксама на аўтобусна-пешаходную экскурсію «Якуб Колас і Мінск», якая дапаможа глыбей пазнаць жыццё беларускага Песняра праз падарожжа па мясцінах у Мінску, якія звязаны з яго імем. Экскурсія пачынаецца а 14-й гадзіне.
У 15:00 адбудзецца памінальны мітынг і ўскладанне кветак да магілы Песняра. Удзел у ім прымуць літаратары, грамадскія дзеячы, мастакі, навукоўцы, прыхільнікі творчай спадчыны народнага паэта Беларусі.
Дзе: кінатэатр «Цэнтральны», пр-т Незалежнасці, 13
Калі: 14 жніўня ў 19.30
Колькі каштуе: 15 рублёў, VIP-ложа - 18 рублёў
Праект TheatreHD – трансляцыі лепшых пастановак са сцэн Метрапалітэн Опера (Нью-Ёрк), Каралеўскага Нацыянальнага тэатра (Лондан), Шэкспіраўскага тэатра «Глобус» (Лондан), Каралеўскай Шэкспіраўскай кампаніі (Стратфард-на-Эйване), Вялікага тэатра (Масква), а таксама дэманстрацыя фільмаў-выстаў.
«Загадкавае начное забойства сабакі» – п'еса Саймана Стывенса паводле рамана Марка Хэддана. Гэта дэтэктыўная прыгода самага незвычайнага героя, расказаная самай сучаснай тэатральнай мовай. Займальнае відовішча, якому апладзіравалі гледачы ўсяго свету – ад Вест-Энда і Брадвея да Мексікі, Карэі і Масквы. Лаўрэат сямі прэмій Лоўранса Аліўе і прэміі «Тоні» за лепшую п'есу.
Дзе: сцежка «Белакорац», Валожынскі р-н
Калі: 18 жніўня
Колькі каштуе: бясплатна
Інклюзіўны фестываль «INФЕСТ» пройдзе ў Налібоцкай пушчы, у Валожынскім раёне на сцежцы «Белакорац». Ён з'яўляецца часткай праекта «Валожын без бар'ераў», які накіраваны на стварэнне даступнага асяроддзя для людзей з інваліднасцю.
У рамках праекта «Валожын без бар'ераў» экалагічная сцежка «Белакорац» была абсталявана інфармацыйнымі стэндамі, даступнымі для невідушчых людзей і людзей з ментальнымі асаблівасцямі. Спецыяльнае пакрыццё і альтанкі з пандусамі робяць сцежку зручнай для людзей, якія перасоўваюцца на калясцы. А дапамагаць ўладкоўваць і ўпрыгожваць інклюзіўную прастору для фэсту будуць удзельнікі і валанцёры інтэграцыйнага лагера, які пройдзе тут жа з 14 па 18 жніўня.
На фестывалі «INФЕСТ» будуць прадстаўлены прэзентацыі і стэнды грамадскіх арганізацый і ініцыятыў, якія займаюцца правамі людзей з інваліднасцю. Фестываль будзе складацца з некалькіх тэматычных зон. Падчас працы арт-зоны можна будзе наведаць дзіцячы тэатр, воркшопы і майстар-класы па ганчарнай справе і вырабу цацак. Наведвальнікі спорт-зоны змогуць папрактыкавацца ў інклюзіўнай ёзе і спартыўных танцах, даведацца, як працуе ручной ровар і пагуляць у настольныя гульні. Скончыцца фестываль выступленнем вядомых беларускіх музычных гуртаў: Akute, B: N, Разбітае сэрца пацана і Tomato Jam.
Дзе: парк Цівалі
Калі: 18 жніўня
Колькі каштуе: бясплатна
У гонар Сусветнага дня бяздомных жывёл ГААЖ «Эгіда» праводзіць дабрачынную акцыю «Дарога дадому». У ходзе яе каля 60 катоў і сабак будуць шукаць сабе новых гаспадароў. Вы зможаце не толькі здабыць новага сябра, але і дапамагчы тым жывёлам, у якіх пакуль няма гаспадароў.
Усе жывёлы, якія будуць прадстаўлены на мерапрыемстве, прышчэпленыя, здаровыя, па ўзросце стэрылізаваныя і любяць мець зносіны з людзьмі. Арганізатары пададуць магчымасць усім жадаючым пагуляць з катамі і сабакамі, сфатаграфавацца з імі. Кожнага новаспечанага ўладальніка ката ці сабакі чакаюць падарункі ад арганізатараў і партнёраў.
Таксама на акцыі будзе працаваць «Палатка дапамогі», куды на працягу ўсяго дня вы зможаце прынесці корм, амуніцыю, напаўняльнікі, пераноскі, латкі і ўсё, што неабходна жывёлам. Купіць падарункі для катоў і сабак можна таксама і на акцыі. Усе жадаючыя змогуць зрабіць ахвяраванне прама на месцы.
Культурная праграма акцыя ўключае ў сябе выступленні артыстаў, кансультацыю ветэрынарных урачоў клінікі «Доктар Вет»; забавы і фотазоны для дзяцей і дарослых; бясплатную кансультацыю кінолага; імгненныя фатаграфіі ў падарунак ад кампаніі Purina і многае іншае.
Дзе: Лошыцкая сядзіба, пр-д Чыжэўскіх, 8-2
Калі: 17 жніўня ў 17.30
Колькі каштуе: 5 рублёў (уключае агляд экспазіцыі выставы)
Дзе: пляцоўка каля Мінскага дзяржаўнага палаца дзяцей і моладзі, Старавіленскі тракт, 41
Калі: 18 жніўня ў 9.00
Колькі каштуе: бясплатна (free donation)
Усё лета сертыфікаваныя выкладчыкі Студыі ёгі і пілатэса «Шакти» праводзяць заняткі па ёзе на адкрытай пляцоўцы Мінска. У 09:00 кожную суботу сустракаюцца на драўляным насціле на камсамольскім возеры за Палацам Моладзі.
Узровень вашай падрыхтоўкі не мае значэнне. Галоўнае – жаданне практыкаваць ёгу і дыхаць на поўныя грудзі. Бо ўсім вядомая бязмежная карысць заняткаў на свежым паветры.
Калі свайго дыванка няма, звяжыцеся з выкладчыкамі, і яны прынясуць яго вам на занятак.
Дзе: пляцоўка каля Палаца спорту, пр-т Пераможцаў, 4
Калі: 19 жніўня ў 11.00
Колькі каштуе: бясплатна
Ужо ў трэці раз у сталіцы будзе арганізаваны конкурс «Веламіс», які назаве самых чароўных веласіпедыстак нашай краіны. У гэтым годзе дзяўчаты будуць змагацца за званне «Веламіс 2018», першай і другой віцэ-міс, а таксама за перамогу ў намінацыях «Міс веласпорт», «Міс велаграцыя» і «Міс глядацкіх сімпатый».
Канкурсантак чакае вялікая колькасць каштоўных прызоў, сярод якіх, вядома ж, ровары. Зарэгістравацца для ўдзелу можна на месцы або загадзя запоўніўшы заяўку.
Стартам конкурсу стане незвычайны кветкавы велазаезд па праспекце Пераможцаў у рамках міжнароднага руху #СycleСhic – веласіпедны шык.
Для ўсіх гасцей у гэты дзень на пляцоўцы свята будзе прыгатавана велізарная колькасць забавак, цікавых сюрпрызаў і спаборніцтваў з каштоўнымі прызамі.
Конкурс «Веламіс 2018» арганізаваны ў рамках найбуйнейшых міжнародных спаборніцтваў па веласіпедным спорце на шашы Europe Tour UCI «Кубак Мінска» і «Гран-пры Мінска». 18 і 19 жніўня ў нашай сталіцы збяруцца больш за 160 прафесійных велагоншчыкаў з 13 краін свету, каб пазмагацца за прызавыя месцы. За ходам захапляльнага спартыўнага спаборніцтва можна будзе назіраць на вялікім экране ГЗЦ Galleria Minsk.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
