Вы тут

У Брэсце ва ўрачыстай абстаноўцы адкрылі новы дзіцячы садок


Дашкольная ўстанова ўзведзена па вуліцы генерала Благавешчанскага ў густанаселеным новым мікрараёне Паўднёвы Захад-2. Адкрыццё садка на 350 месцаў стала сапраўдным святам для сем'яў, якія нядаўна ўехалі ў новае жыллё. Да гэтай пары ім даводзілася вазіць дзяцей у іншыя раёны, нават праз палову горада.


Сучасны трохпавярховы будынак узвялі працаўнікі «Будтрэста № 8». На будаўніцтва і аснашчэнне ўстановы дашкольнай адукацыі было накіравана 9,2 мільёна рублёў з абласнога бюджэту. Садок атрымаўся прыгожы, светлы, функцыянальны. У апошнім упэўніліся ўсе, хто прыйшоў на адкрыццё. Яслі-садок разлічаны на 19 груп выхаванцаў. У трох групах будуць выхоўвацца дзеці з парушэннямі маўлення, у адной — з парушэннямі апорна-рухальнага апарату. Гэта значыць, бацькам дзяцей з асаблівасцямі развіцця больш не трэба вазіць малых у спецыялізаваныя ўстановы, якія размешчаны ў іншых частках горада: для дашкольнікаў у новым садку створаны ўсе ўмовы, адных толькі кабінетаў для творчасці налічваецца каля двух дзясяткаў.

Павіншаваць бацькоў, педагогаў, выхаванцаў з наваселлем прыйшлі кіраўнікі горада і вобласці, дэпутаты парламента. Старшыня Брэсцкага аблвыканкама Анатоль ЛІС падарыў садку чатыры дзіцячыя электрамабілі. Губернатар падкрэсліў, што правілам руху і паводзінам на дарозе трэба навучацца з самага ранняга ўзросту. Яшчэ кіраўнік вобласці сказаў, звярнуўшыся да прысутных, што на наступны год зусім побач будзе здадзена ў строй новая школа. Такім чынам, у Паўднёва-Заходнім мікрараёне з'явіцца цэлы адукацыйны комплекс.

Святлана ЯСКЕВІЧ

Загаловак у газеце: Прыгожа і функцыянальна

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.