Старшыня КНР Сі Цзіньпін сустрэўся з генеральным сакратаром ААН Антоніу Гутэрышам напярэдадні Пекінскага саміту Форуму кітайска-афрыканскага супрацоўніцтва, перадае "Жэньмінь жыбаа" анлайн".
На сустрэчы Сі Цзіньпін адзначыў, што "ААН ўяўляе сабой сцяг мультылатэралізма". Ён заўважыў, што палітыка аднабаковых дзеянняў і пратэкцыянізм наносяць удар па сусветнаму парадку і сістэме глабальнага кіравання, свет больш чым раней мае патрэбу ў мультылатэралізме (арганізацыі міжнародных знешнеэканамічных адносін, заснаваных на механізмах, якія дазваляюць кожнай краіне карыстацца прывілеямі ў адносінах з усімі партнёрамі) і ў моцнай Арганізацыі Аб'яднаных Нацый. Справы на міжнароднай арэне павінны вырашацца шляхам абмеркавання з удзелам усіх краін свету ў адпаведнасці з правіламі, ухваленымі ўсімі, і з улікам інтарэсаў і заклапочанасці ўсіх краін, сказаў Сі Цзіньпін.
Старшыня КНР заявіў, што рашучасць Кітая ва ўсебаковым паглыбленні рэформаў застанецца нязменнай. Мы гатовыя практычнымі дзеяннямі весці за сабой ўсе бакі, разам падтрымліваць лібералізацыю і спрашчэнне гандлю, будаваць сусветную эканоміку адкрытага тыпу, заявіў Сі Цзіньпін. Паводле яго слоў, форум супрацоўніцтва "Кітай-Афрыка" - гэта ўзорны прыклад супрацоўніцтва ў фармаце Поўдзень-Поўдзень, пекінскі саміт дадзенага форуму будзе сфакусаваны на салідарнасці, супрацоўніцтве і сумесным развіцці, што ў вышэйшай ступені супадае з задачамі і мэтамі ААН (пазней, падчас выступлення на цырымоніі адкрыцця саміту, старшыня КНР заявіў, што Кітай і Афрыка ўсталі на асаблівы шлях ўзаемавыгаднага супрацоўніцтва). Аказанне садзейнічання Афрыцы ў рэалізацыі міру і развіцця - гэта маральная адказнасць ААН, сказаў Сі Цзіньпін.
Антоніу Гутэрыш заўважыў, што зараз мультылатэралізм сутыкаецца з сур'ёзнымі выклікамі. Актыўная абарона КНР шматбаковага парадку і актыўнае садзейнічанне глабальнага кіравання заслугоўваюць высокай ацэнкі, адзначыў ён. Развіццё Кітая нястрымнае і вельмі важна для міру і развіцця ўсяго свету, сказаў кіраўнік сусветнай арганізацыі, заявіўшы пра гатоўнасць ААН актывізаваць дыялог і супрацоўніцтва з Паднябеснай для стварэння шматпалярнага свету, заснаванага на правілах, і заахвочваць краіны да ўдзелу ў будаўніцтве "Пояса і шляху".
Сумесныя праекты ядзерных тэхналогій.