Вы тут

Студэнты падазраюцца ў крадзяжы колаў з аўтамабіля БМВ


У Першамайскае РУУС сталіцы паступіла заява ад грамадзяніна аб прапажы колаў з легкавіка, які быў прыпаркаваны ўздоўж дарогі. Праваахоўнікі ўстанавілі асобы зламыснікаў: гэта студэнты адной з мінскіх ВНУ — хлопцы 18-ці і 19-ці гадоў.


Як было ўстаноўлена, аўтамабіль працяглы час не эксплуатаваўся, на што звярнуў увагу адзін з падазраваных. Малады чалавек прапанаваў свайму сябру — траюраднаму брату — здзейсніць крадзеж колаў з наступным іх продажам. Яны прыехалі да легкавіка ноччу. Багажнік у машыне быў адкрыты, там ляжала запасное кола. Яго зламыснікі адразу перанеслі ў свой транспартны сродак. Далей праз багажнік хлопцы пралезлі ў салон, дасталі там магнітолу і тэлефонную трубку. З дапамогай дамкрата знялі ўсе колы, а замест іх падклалі тратуарную плітку. Дамкрат пасля таксама прыхапілі сабе.

Праз тры дні зламыснікі размясцілі ў інтэрнэце аб’явы аб продажы колаў: адзін хацеў прадаць іх за 600, другі — за 750 рублёў. Але аператыўнікі вылічылі студэнтаў раней, чым тыя паспелі правесці здзелку, паведамілі ў Першамайскім РУУС г. Мінска. За крадзеж хлопцы могуць атрымаць пакаранне ў выглядзе грамадскіх работ, штрафу ці папраўчых работ на тэрмін да двух гадоў, або арышту ці абмежавання волі на тэрмін да трох гадоў, ці пазбаўленне волі на той жа тэрмін.

Сяргей РАСОЛЬКА

Дадаць каментар

Выбар рэдакцыі

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.